امامِ حَسَن و امامِ حُسَیْن رَضِیَ اللہ  عنہم ا  بھی وہیں موجود تھے، جب آپ  صَلَّی اللہ  عَلَیْہِ وَ آلِہٖ وَسَلَّم    سجدے میں جاتے تو دونوں شہزادے آپ صَلَّی اللہ  عَلَیْہِ وَ آلِہٖ وَسَلَّم    کی پیٹھ مبارک پر بیٹھ جاتے، جب آپ  صَلَّی اللہ  عَلَیْہِ وَ آلِہٖ وَسَلَّم    سجدے سے سَر اُٹھاتے تو انہیں نَرْمی سے پکڑ کر زمین پر چھوڑ دیتے، جب آپ صَلَّی اللہ  عَلَیْہِ وَ آلِہٖ وَسَلَّم    دوبارہ سجدے میں جاتے تو دونوں شہزادے پِھر ایسے ہی کرتے، جب آپ  صَلَّی اللہ  عَلَیْہِ وَ آلِہٖ وَسَلَّم    نے نَماز مکمل فرما لی تو دونوں شہزادوں کو جھولی میں بٹھا لیا، حضرت ابوہریرہ رَضِیَ اللہُ تَعَالٰی عَنْہُ فرماتے ہیں: میں نے آگے بڑھ کر عرض کیا: یارسولَ اللہ   صَلَّی اللہ  عَلَیْہِ وَ آلِہٖ وَسَلَّم     ! شہزادوں کو گھر چھوڑ آؤں؟ آپ صَلَّی اللہ  عَلَیْہِ وَ آلِہٖ وَسَلَّم      نے اجازت عطا فرما دی^([1])

امام حُسَین کی عِبَادات

پیارے اسلامی بھائیو!ہمارے آقا، سلطانِ کربلا امام عالی مقام، امام حُسَین رَضِیَ اللہُ تَعَالٰی عَنْہُ بہت عِبَادت گزار، متقی اور پرہیز گار تھے،علّامہ اِبْنِ اَثِیْرجَزرِی رحمۃُاللہ  علیہ لکھتے ہیں: امام حُسَیْن رَضِیَ اللہُ تَعَالٰی عَنْہُ کَثْرت سے نمازیں پڑھتے، روزے رکھتے، حج کرتے، صدقہ و خیرات (Charity) کرتے اور ہر بھلائی کا کام بجا لایا کرتے تھے^([2]) شہزادۂ امامِ عالی مقام حضرت امام زینُ العابِدین رَضِیَ اللہُ تَعَالٰی عَنْہُ فرماتے ہیں: میرے اَبُّو جان امام حُسَین رَضِیَ اللہُ تَعَالٰی عَنْہُ دِن رات میں ایک ہزار نوافِل ادا کیا کرتے تھے^([3]) امام حُسَیْن رَضِیَ اللہُ تَعَالٰی عَنْہُ کے متعلق یہ بھی منقول ہے کہ آپ نے 25 حج پیدل ادا فرمائے۔^([4])