10مُحَرَّم ُالْحَرام   ، 1446ھ

اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن^ط

اَمَّا بَعْدُ! فَاَعُوْذُ بِاللہ  مِنَ الشَّیْطٰنِ الرَّجِیْمِ ^ط بِسْمِ اللہ  الرَّحْمٰنِ الرَّحِیْمِ ^ط

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                              وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                             وَعَلٰی آلِکَ وَاَصْحٰبِکَ یَانُوْرَ اللہ

                                                       نَوَیْتُ سُنَّتَ الْاِعْتِکَاف                                              (ترجمہ: میں نے سُنَّت اعتکاف کی نِیَّت کی)

درودِ پاک کی فضیلت

پیارے اسلامی بھائیو!اللہ  پاک کے آخری نبی،رسولِ ہاشمی، مکی مدنی، مُحَمَّدِ عربی صَلَّی اللہ  عَلَیْہِ وَ آلِہٖ وَسَلَّم   کی خِدْمتِ بابَرَکت میں درود و سلام کے تحفے پیش کرنا بہت ہی سَعَادت کی بات ہے اور درودِ پاک نہ پڑھنا بڑی مَحْرُومی ہے، ہمیں چاہئے کہ درودِ پاک پڑھنے کی لازمی عادَت(Habit) بنائیں، آئیے! سلطانِ کربلا، سَیِّدُ الشُّہَداء، امامِ عالی مقام، امام حُسَیْن رَضِیَ اللہُ تَعَالٰی عَنْہُ سے مَرْوِی 2 حدیثیں سنتے ہیں: (1): امام حُسَیْن رَضِیَ اللہُ تَعَالٰی عَنْہُ فرماتے ہیں: میرے نانا جان، سلطانِ دوجہان صَلَّی اللہ  عَلَیْہِ وَ آلِہٖ وَسَلَّم   نے فرمایا: جس کے سامنے میرا ذِکْر ہوا، اس نے درودِ پاک نہ پڑھا، بےشک وہ جنّت کا رستہ بُھول گیا^([1])(2):امامِ حُسَیْن رَضِیَ اللہُ تَعَالٰی عَنْہُ سے ہی روایت ہے، دوجہاں کے تاجدار، مکی مدنی سرکار صَلَّی اللہ  عَلَیْہِ وَ آلِہٖ وَسَلَّم    نے فرمایا: کنجوس ہے وہ شخص جس کے پاس میرا ذِکْر ہوا، پِھر اس نے مجھ پر درود نہ پڑھا۔^([2])

صَلُّوا عَلَی الْحَبِیْب!                                               صَلَّی اللہُ تَعَالٰی عَلٰی مُحَمَّد