*قبر کی یاد کرتے ہوئے *مدینے کی یادیں دِل میں بسائے ہوئے *حُسْنِ اَخْلاق کا مُظَاہَرہ کرتے ہوئے *والدین کا ادب کرتے ہوئے *عزیز رشتے داروں کے ساتھ بھلائی کرتے ہوئے *پڑوسیوں کے حقوق ادا کرتے ہوئے *غریبوں کی مدد کرتے ہوئے گزارنے اور *فیضانِ رمضان سے خوب جھولیاں بھرنے کی توفیق عطا فرمائے۔ آمِیْن بِجَاہِ خَاتَمِ النَّبِیّٖنَ صَلَّی اللہُ عَلَیْہِ وَ آلِہٖ وَ سَلَّم۔

گناہوں کی نحوست بڑھ رہی ہے دم بدم مولیٰ!

میں توبہ پر نہیں رِہ پا رہا ثابِت قدم مولیٰ!

میں رحمت، مغفرت، دوزخ سے آزادی کا سائِل ہوں

مَہِ    رمضان     کے   صدقے    میں    فرما    دے    کرم    مولیٰ!^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

آیتِ کریمہ کا ترجمہ اور وضاحت

پیارے اسلامی بھائیو! ہم نے پارہ:16، سورۂ مریَم کی آیت: 65 سننے کی سعادت حاصِل کی، اللہ پاک نے ارشاد فرمایا:

رَبُّ السَّمٰوٰتِ وَ الْاَرْضِ وَ مَا بَیْنَهُمَا فَاعْبُدْهُ وَ اصْطَبِرْ لِعِبَادَتِهٖؕ-هَلْ تَعْلَمُ لَهٗ سَمِیًّا۠(۶۵) (پارہ:16، مریم:65) ترجمہ کنزُ العِرفان: آسمانوں اور زمین اور جو کچھ ان کے درمیان میں ہے سب کا ربّ (وہی ہے) تو اسی کی عبادت کرو اوراس کی عبادت پر ڈٹ جاؤ، کیا تم اللہ کا کوئی ہم نام جانتے ہو؟

یعنی اے پیارے محبوب صَلَّی اللہُ عَلَیْہِ وَ آلِہٖ وَ سَلَّم! آسمان اور زمین اور جو کچھ ان میں ہے