عیدِ میلادُ  النّبی تو عید کی بھی عید ہے                                                                    بالیقیں ہے عید ِعیداں عیدِ میلادُ  النّبی

 ( 12 ) : اللہ پاک کے پیارے پیارے آخری نبی ، مُحمَّدٌ رَّسول ُاللہ  پیر شریف کو روزہ رکھ کر اپنا یومِ ولادت مناتے رہے ، آپ بھی یادِ مصطَفٰے میں12ربیع الاوَّل شریف کو روزہ رکھ کر مدنی پرچم اُٹھائے جلوسِ میلاد میں شریک ہوں ، جہاں تک ممکن ہو باوضو رہئے ، لب پر دُرُودو سلام اور نعتوں کے نغمے سجائے ، نگاہیں جھکائے پر وقار طریقے پر چلئے ، اُچھل کود مچا کر کسی کو تنقید کا موقع مت دیجئے۔ ( ذمہ دارانِ دعوتِ اسلامی جلوسِ میلاد میں وہی نعرے لگائیں یا گاڑیوں میں وہی کلام چلائیں جو مدنی مرکز کی طرف سے جاری کردہ ہوں )

ربیعِ پاک تجھ پر اہلِ سنّت کیوں نہ قرباں ہوں                   کہ تیری بارہویں تاریخ وہ جانِ قمر آیا

صَلُّوْا عَلَی الْحَبیب !                                                   صَلَّی اللّٰہُ عَلٰی مُحَمَّد

ہاتھ ملانے کی سنتیں اور آداب

 پیارے اسلامی بھائیو ! آئیے ! شیخ طریقت ، امیر اہلسنّت حضرت علامہ مولانا ابُو بلال محمد الیاس عطار قادری رضوی ضیائی دَامَتْ بَـرَکاتُہُمُ الْعَالِیَہ   کے رسالے101 مدنی پھول سے ہاتھ ملانے کی چند سنتیں و آداب سنتے ہیں : پہلےدو فرامین مُصْطَفٰے صَلَّی اللّٰہُ عَلَیْہِ وَاٰلِہٖ وَسَلَّمَ  ملاحظہ ہوں : * جب دو مسلمان ملاقات کرتے ہوئے مُصافَحہ کرتے ہیں اور ایک دوسرے سے خیریت دریافت کرتے ہیں تو اللہ پاک ان کے درمیان سو  ( 100 ) رحمتیں نازل فرماتاہے جن میں سے ننانوے  ( 99 ) رحمتیں زیادہ پرتپاک طریقے سے ملنے والے اور اچھے طریقے سے اپنے بھائی سے خیریت دریافت کرنے والے کے لئے ہوتی ہیں۔ ^{( [1] )}  * جب دودوست آپس