بعضې خلق سوچ کوي، بعضې وخت پوښتنه هم کوي چې مونږ مسلمانان يو، مونږه کلمه وئيلو والا يو، الله پاک منلو والا، د هغه عبادت کولو والا يو، بيا په مونږ باندې ازميښتونه ولې راځي؟ د دې سيدها ساده جواب دا دے چې دا دنيا د مؤمن د پاره قيد خانه ده او په قيد خانه کښې ازميښتونه وي.

په روايتونو کښې دي: د عرب بعضې کلي وال خلق به مدينۀ پاک ته راتلل، د خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم په خدمت کښې به ئې د حاضريدو سره کلمه وئيله، دې نه پس به که چرې هغوئي ته خوشحالي ميلاويدله نو وئيل به ئې چې اسلام رښتينے دِين دے، ځکه به په اسلام باندې قائم پاتې کيدل او که خوشحالي به نه ميلاويدله، څه سخته پريشاني به راتلله نو مَعَاذَ الله! دِين به ئې پريښودو او مُرتَد کيدل به، د دوئي په باره کښې دا آيت نازل شو، الله پاک اوفرمائيل: ^[1]

وَ مِنَ النَّاسِ مَنۡ یَّعۡبُدُ اللّٰہَ عَلٰی حَرۡفٍ ۚ فَاِنۡ  اَصَابَہٗ  خَیۡرُۨ  اطۡمَاَنَّ بِہٖ ۚ وَ اِنۡ اَصَابَتۡہُ فِتۡنَۃُۨ  انۡقَلَبَ عَلٰی وَجۡہِہٖ ۟ۚ  خَسِرَ الدُّنۡیَا وَ الۡاٰخِرَۃَ ؕ ذٰلِکَ  ہُوَ  الۡخُسۡرَانُ  الۡمُبِیۡنُ (۱۱)  (پارہ:17، الحج:11)

مفهوم ترجَمۀ کنزُ العرفان: او څه سړي هغه دي کوم چې د الله عبادت يو ګوټ ته د کيدو سره کوي بيا که هغوئي ته څه خير اورسي نو په هغې باندې مطمئين کيږي او که په هغوئي ازميښت راشي نو بيرته ګرځي. داسې کَس په دنيا او آخرت دواړو کښې تاواني دے. دا ښکاره نقصان دے.

یہ شہادت گہِ اُلْفَت میں قدم رکھنا ہے             لوگ آسان سمجھتے ہیں مسلماں ہونا

وضاحت: يعنې مسلمان وئيل خو ډير آسان کار دے خو حقيقي مسلمان جوړيدل آسان نه دي،