Book Name:اِنَّا لِلّٰہ Parhnay Ki Barkatein
مخامخ شو او د دې مشکلاتو، پريشانو او مصيبتونو د آخرت د ثواب د ذريعې جوړولو کوشش اوکړو.
دا به څنګه کيږي؟ راځئ! واورئے!
په سيپاره 2، سورۀ بقره، آيت: 155 کښې الله پاک فرمائي:
وَ لَنَبۡلُوَنَّکُمۡ بِشَیۡءٍ مِّنَ الۡخَوۡفِ وَ الۡجُوۡعِ وَ نَقۡصٍ مِّنَ الۡاَمۡوَالِ وَ الۡاَنۡفُسِ وَ الثَّمَرٰتِ ؕ وَ بَشِّرِ الصّٰبِرِیۡنَ (۱۵۵)ۙ
(پارہ:2، البقرہ: 155)
مفهوم ترجَمۀ کنزُ الايمان: او ضرور به مونږ په تاسو ازميښت کوو د څه ويرې او د څه لوږې سره او د څه مالونو او ځانونو او په ميوو کښې د کمي سره او زيرے ورکړه دغه صبر کوونکو له.
د دې آيت لاندې په تفسيرِ نعيمي کښې دي: اے مسلمانانو! تاسو بهترين اُمَّت ئې او د لويو امتحان هم لوئے وي، ځکه به په ډيرو مضمونونو کښې ستاسو امتحان اخستے کيږي، کله د دُښمن د ويرې سره، کله د قحط سالئ سره، کله د غريبئ او لوږې سره، کله په مال کښې د کمي سره، کله د اولاد، مور و پلار، خپلوانو او د دوستانو په وفات کيدو سره، کله ستاسو د باغونو، فصلونو او ميوو وغيره کښې د کمي سره، غرض: ستاسو د امتحان دومره پرچے دي، په هره پرچه کښې پوره نمبرې حاصلې کړئ! [1]
پوره نمبرې څنګه حاصلول دي؟ د صبر کولو سره. الله پاک فرمائي:
وَ بَشِّرِ الصّٰبِرِیۡنَ (۱۵۵)ۙ (پارہ:2، البقرہ: 155)
مفهوم ترجَمۀ کنزُ الايمان: او زيرے ورکړه دغه صبر کوونکو له.