Book Name:اِنَّا لِلّٰہ Parhnay Ki Barkatein
په روايت کښې دي: که د مصيبت د راتللو 40 کاله پس بيا مصيبت راياد شي، هغه وخت ئې اِنَّا لِلّٰہ اولوستل بيا به هم هغه ثواب ورکړے کيږي.[1]
سُبْحٰنَ اللّٰہ! خوږو او محترمو اسلامي وروڼو! غور اوکړئ! دا د اِنَّا لِلّٰہِ وَ اِنَّا اِلَیْہِ رٰجِعُوْن لوستلو څومره برکتونه دي. الله پاک دې مونږ ته په هره وړه او غټه پريشانئ باندې د صبر کولو، د الله پاک په رضا باندې د راضي کيدو سره د اِنَّا لِلّٰہ لوستلو توفيق نصيب کړي.
اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم
اے عاشقانِ رَسُول! زمونږه دا عقيده ده چې وَالْقَدْرِ خَیْرِہٖ وَشَرِّہِ مِنَ اللّٰہِ تَعَالٰی هر ښه او بد تقدير د الله پاک له طرفه دے. د دې واضحه مطلب دا دے چې که مونږ ته خوشحالي ميلاؤ شي يا غم، خوشحالي راشي يا پريشاني، صحت ميلاؤ شي يا بيماري، مالداري راشي يا غريبي، هر څه د الله پاک له طرفه دي.
خو د معاشرې حالت عجيبه دے، دلته خلق بد فالي نيسي * نن دکان ته څه ګاهک رانغلے نو بد فالي * که کار ښه نه وي روان نو بد فالي * سترګه اورپيږي نو بد فالي * چرته د تللو سره په لاره کښې څه سخته راپيښه شي نو بد فالي * څه مصيبت راغلے، څه سخته، پريشاني راغله نو بد فالي، مختلفې خبرې، مختلف وهمونه او بد فالئ هسې په زړونو کښې ساتلے شي، مثلاً * سحر وختي د چا ړوند سره ملاقات اوشو * يوے سترګې والا کَس مخې ته راغلے * څوک شَل [ګوډ] ميلاؤ شو * تور کارغه يا پيشو په مخه تيره شوه * کار له د تللو په وخت په لاره کښې مو څه بد آواز واوريدو نو بد فالي