تک کہ فجر ہو جاتی۔ ^{( [1] )}  حضرت جابِر رَضِیَ اللہ عنہ فرماتے ہیں : پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم آرام فرمانے کے بعد جب بھی بیدار ہوتے تو مسواک کرتے اورتازہ وُضُو کر کے نماز    ادا کیا کرتے تھے۔ ^{( [2] )}  

صحابئ رسول حضرت حذیفہ رَضِیَ اللہ عنہ فرماتے ہیں : ایک رات اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم مسجد میں نماز ادا فرما رہے تھے ، میں نے موقع غنیمت جانا اور آپ صَلَّی اللہ عَلَیْہِ وَ آلِہٖ وَ سَلَّم کےپیچھے کھڑے ہو کر اِقْتدا میں نماز شروع کر دی۔ اللہ پاک کے رسول ، رسولِ مقبول صَلَّی اللہ عَلَیْہِ وَ آلِہٖ وَ سَلَّم نے دورانِ نماز سورۂ بَقَرَہ کی تِلاوت شروع فرمائی ، میں دِل میں خیال کر رہا تھا کہ حُضُور ، جانِ کائنات صَلَّی اللہ عَلَیْہِ وَ آلِہٖ وَ سَلَّم 100 آیات پڑھ کر رکوع فرمائیں گے لیکن آپ صَلَّی اللہ عَلَیْہِ وَ آلِہٖ وَ سَلَّم نے 100 آیات پر رکوع نہ کیا بلکہ آگے پڑھتے گئے ، اب میں نے خیال کیا کہ 200 آیات پر رکوع فرمائیں گے مگر آپ صَلَّی اللہ عَلَیْہِ وَ آلِہٖ وَ سَلَّم نے 200 آیات پر بھی رکوع نہ فرمایا۔ اب مجھے خیال ہوا کہ حُضُورِ اکرم ، نُورِ مُجَسَّم صَلَّی اللہ عَلَیْہِ وَ آلِہٖ وَ سَلَّم پُوری سورۂ بَقَرَہ  ( یعنی تقریباً اڑھائی سپارے )  مکمل پڑھ کر رکوع فرمائیں گے۔ چنانچہ سورۂ بَقَرَہ مکمل ہوئی مگر آپ صَلَّی اللہ عَلَیْہِ وَ آلِہٖ وَ سَلَّم نے اب بھی رکوع نہ فرمایا بلکہ سورۂ آلِ عِمْرَان شروع فرما دی۔ اب میں سوچ رہا تھا کہ حُضُور صَلَّی اللہ عَلَیْہِ وَ آلِہٖ وَسَلَّم سورۂ آلِ عِمْرَان مکمل تلاوت کر  کے رکوع فرمائیں گے۔  ( مگر میرا خیال اس بار بھی درست نہ نکلا )  جانِ  عالَم ، نُورِ مُجَسَّم صَلَّی اللہ عَلَیْہِ وَ آلِہٖ وَ سَلَّم نے سورۂ آلِ عِمْرَان مکمل فرمائی  ( یعنی پونے 4 پارے تِلاوت فرما لئے )    لیکن رکوع نہ کیا بلکہ سورۂ نِسَآء شروع فرما دی۔