میں داخِل کروا دیتی ہے۔ ^{( [1] )}    

اے عاشقانِ رسول ! اچھی اچھی نیتوں سے عمل کا ثواب بڑھ جاتا ہے۔ آئیے ! بیان سننے سے پہلے کچھ اچھی اچھی نیتیں کر لیتے ہیں ، نیت کیجئے ! * رضائے الٰہی کے لئے بیان سُنوں گا * بااَدَب بیٹھوں گا * خوب تَوَجُّہ سے بیان سُنوں گا * جو  سنوں گا ، اسے یاد رکھنے ، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبیب !                                                صَلَّی اللہ عَلٰی مُحَمَّد

عزّت کا معیار تقویٰ ہے

صحابی اِبْنِ صحابی حضرت عبد اللہ بن عبّاس رَضِیَ اللہ عنہ فرماتے ہیں : فتحِ مکہ کے دِن اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَسَلَّم نے اپنے مُؤَذِّن حضرت بلال رَضِیَ اللہ عنہ  کو حکم دیا کہ وہ کعبہ شریف کی چھت پر کھڑے ہو کر اَذان کہیں ، چنانچہ حضرت بلال رَضِیَ اللہ عنہ  نے حکم پر عَمَل کیا ( حضرت بلال رَضِیَ اللہ عنہ  حبشہ سے تعلق رکھنے والے تھے ، آپ مکہ مکرمہ ہی میں کافِی عرصہ غُلامی کی زندگی بھی بسر کر چکے تھے ) ، لہٰذا آپ کو کعبہ شریف کی چھت پر کھڑے ہو کر اَذان دیتے دیکھ کر مکہ مکرمہ کے بعض سرداروں نے آپ کے متعلق سخت نازیبا گفتگو کی۔ادھر یہ مکّے کے بعض سردار نازیبا باتیں کر رہے تھے ، اُدھر حضرت جبریلِ امین عَلَیْہِ السَّلَام    بارگاہِ رسالت میں حاضِر ہوئے اور اللہ پاک کے آخری نبی ، رسولِ ہاشمی  صَلَّی اللہ عَلَیْہِ وَ آلِہٖ وَسَلَّم  کو ان کی خبر دی ، رسولِ اکرم ، نورِ مُجَسَّم  صَلَّی اللہ عَلَیْہِ وَ آلِہٖ وَسَلَّم  نے ان سب کو بُلا لیا اور پوچھا : کیا تم نے بِلال کے متعلق ایسی ایسی باتیں کہی ہیں؟ان سب نے اِقْرار کیا کہ جی ہاں ! ہم نے یہ باتیں کہی ہیں۔اس موقع پر پارہ : 26 ، سورۂ حُجُرَات کی یہ آیتِ کریمہ نازِل