تُؤْمِنُوْاتم اس وقت تک جنّت میں داخِل نہیں ہو سکتے ، جب تک ایمان نہ لے آؤ !  وَلَا تُؤْمِنُوْا حَتّٰی تَحَابُّوْا اور تم اس وقت تک  ( کامِل )  مؤمن نہیں ہو سکتے جب تک آپس میں محبت نہ کرو ! پھر فرمایا : کیا میں تمہیں وہ بات نہ بتاؤں ، جس پر عمل کرکے تمہاری آپس میں محبت بڑھ جائے؟اَفْشُوا السَّلَامَ بَیْنَکُمْ آپس میں سلام کو عام کرو !  ^{( [1] )}

محبت بھرا اِسْلامی تیر

حضرت لقمان حکیم رَحمۃُ اللہ عَلَیْہ نے ایک مرتبہ اپنے بیٹے کو نصیحت کرتے ہوئے فرمایا : بیٹا ! جب بھی کسی قوم کے پاس سے گزرو تو انہیں اِسلْامی تیر مارا کرو !  

یہ اسلامی تِیر کیا ہے؟حضرت عَوْف بن عبد اللہ رَحمۃُ اللہ عَلَیْہ فرماتے ہیں : اس سے مراد سلام ہے۔ ^{( [2] )}  یعنی جب سلام کرو گے تو تمہارا  سلام محبت سے بھرا ہوا تِیر بَن کر سامنے والے کے دِل پر لگے گا اور محبت بڑھائے گا۔  اللہ پاک ہمیں سلام کو عام کرنے اور آپس میں محبتیں بانٹنے کی توفیق عطا کرے۔

 آمِیْن بِجَاہِ خَاتَمِ النَّبِیّٖنَ  صَلّی اللہ عَلَیْہِ وَآلِہٖ وَسَلَّم ۔

ہَوَس نے کر دیا ہے ٹکڑے ٹکڑے نوعِ انساں کو

اَخُوَّت کا بیاں ہو جا ! محبت کی زباں ہو جا !

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

سلام کا جواب دینا واجب ہے

پیارے اسلامی بھائیو ! یہ بھی ہمیشہ یاد رکھئے کہ جب کوئی سلام کرے تو اس کا جواب فوراً اور اتنی آواز سے  دینا واجِب ہے  کہ سلام کرنے  والا سُن لے   ۔ اگر سلام کا جواب نہ دیا