حضرت عُثمانِ غنی رَضِیَ اللہ  عَنْہ نے انکار کردِیا اور کہا کہ میںرسولُ الله صَلَّی اللہ  عَلَیْہِ واٰلہٖ وسلَّم  کے بغیر ہرگز ہرگز اکیلے اپنا عُمرہ نہیں اَدَا کرسکتا۔ ^{( [1] )} جب حضرت عُثمانِ غنی رَضِیَ اللہ  عَنْہمکّے سے واپس تشریف لائے تو صحابۂ کرام عَلَیْہِمُ الرِّضْوَان نے پوچھا : اے ابُوعبدُاللہ !  ( یہ عُثمانِ غنی رَضِیَ اللہ  عَنْہ کی کُنْیَت تھی ) آپ نے طوافِ کعبہ کی سعادت تو حاصل کر لی ہوگی؟ تواُس  عشق و وفا کے پیکر نے جواب دِیا : قسم ہے !  اُس ذات کی جس کے قبضۂ قدرت میں میری جان ہے ، اگر میں پورا سال مکّۂ مکرّمہ میں ٹھہرا رہتا اور پیارے آقا ، مکی مدنی مُصْطَفٰے صَلَّی اللہ  عَلَیْہِ واٰلہٖ وسلَّم  حُدَیْبِیہ میں ہوتے ، تب بھی میں اُس وقت تک بیتُ اللہ شریف کا طواف نہ کرتا جب تک کہ آپ صَلَّی اللہ  عَلَیْہِ واٰلہٖ وسلَّم طواف نہ کرلیتے۔ ہاں قُرَیْش نے مجھے طواف کرنے کا کہا تو تھا مگر میں نے اِنکار کردِیا۔  ^{( [2] )}  

صَلُّو ْا عَلَی الْحَبِیْب !                                              صَلَّی اللہ  عَلٰی مُحَمَّد

سُبْحٰنَ اللہ ! آقا ہوں تو ایسے اور غُلام ہو تو ایسا ، یقیناً اِس ایمان افروز واقعے سے حضرت  عُثمانِ غنی رَضِیَ اللہ  عَنْہ کے دل میں بے پناہ عشْقِ رسول اور پیارے آقا  صَلَّی اللہ  عَلَیْہِ واٰلہٖ وسلَّم کی حد درجے کی تعظیم کا پتا چلتا ہے کہ کُفّار نے آپ رَضِیَ اللہ  عَنْہ کو تنہا طواف کرنے کی پیشکش کی ، مگر آپ رَضِیَ اللہ  عَنْہ کے جذبۂ تعظیم و اَدَب نے پیارے آقا ، مدینے والے مُصْطَفٰے  صَلَّی اللہ  عَلَیْہِ واٰلہٖ وسلَّم کے بغیر طواف کرنا گوارا نہ کِیا۔

صَلُّوْا عَلَی الْحَبِیْب !                                               صَلَّی اللہ  عَلٰی مُحَمَّد

شمعِ رسالت کے پروانے

اِسی صُلْحِ حُدَیْبِیہ کے موقع پر حضرت  عُروہ بن مَسْعُود رَضِیَ اللہ  عَنْہ  ( جو اُس وقت تک ایمان نہ لائے تھے ) کُفّارِ