ساتھ سُنا جائے ، جیساکہ مکتبۃُ المدینہ کی  کتاب  ” بہارِ شریعت “ جلد 1 کے صفحہ 75پر ہے : جب حضور  ( صَلَّی اللہ  عَلَیْہِ واٰلہٖ وسلَّم )  کاذِکر آئے توبکمالِ خشوع و خضوع و انکسار ، بااَدَب سُنے۔ ^{( [1] )} لہٰذا ہمیں بھی چاہئے کہ ذکرِ مُصْطَفٰے  صَلَّی اللہ  عَلَیْہِ واٰلہٖ وسلَّم کے وقت ہمیشہ تعظیم و اَدَب کا خیال رکھیں اور پیارے آقا ، مکی مدنی مُصْطَفٰے صَلَّی اللہ  عَلَیْہِ واٰلہٖ وسلَّم  کے ذکرِ پاک کے وقت محبت و عقیدت کے ساتھ دُرود شریف بھی پڑھیں کہ یہ برکت کا باعث اور کثیر اجر و ثواب کا ذریعہ ہے۔

صَلُّوا عَلَی الْحَبِیْب !                    صَلَّی اللہ  عَلٰی مُحَمَّد

 پیارے اسلامی بھائیو !  آپ صَلَّی اللہ  عَلَیْہِ واٰلہٖ وسلَّم کا نامِ پاک سُن کراپنے اَنگوٹھوں  کو چُومنا بھی جائز اور باعثِ بَرَکت ہے۔ لہٰذا ہمیں  بھی چاہئے کہ جب بھی حُضُورِ پاک صَلَّی اللہ  عَلَیْہِ واٰلہٖ وسلَّم کا مُبارک نام پڑھیں  یا سنیں  تو تَعْظِیم کی نِیَّت سے انگوٹھے چُوم کر آنکھوں  سے لگا ئیں  اور آپ صَلَّی اللہ  عَلَیْہِ واٰلہٖ وسلَّم کی ذاتِ پاک پر دُرُودِپاک پڑھیں۔

نامِ اقدَس پر انگوٹھے چومنے کی فضیلت

فتاوٰی شامی میں  ہے : جب مؤذن اَشْھَدُاَنَّ مُحَمَّدًا رَّسُوْلُ اللّٰہ کہے تو مستحب ہے کہ سننے والا کہے  ” صَلَّی اللہ عَلَیْک یَا رَسُولَ اللّٰہِ “ اور جب دوسری مرتبہ یہ کلمات سنے تو یوں  کہے ” قُرَّتُ عَیْنِی بِکَ یَا رَسُولَ اللہ اَللّٰہُمَّ مَتِّعْنِی بِالسَّمْعِ وَالْبَصَرِ “  اور انگوٹھے چوم کر آنکھوں  پر لگائے ایسا کرنے والے کو نبیِ کریم ، رَؤفٌ رَّحیم صَلَّی اللہ  عَلَیْہِ واٰلہٖ وسلَّم اپنے ساتھ جنَّت میں  لے جائیں  گے۔نیز علاّمہ شامی رَحْمَۃُ اللّٰہ ِ عَلَیْہ  نے کتابُ الْفِردَوس کے حَوالے سے نبیِ اکرم ، نورِ مُجَسَّم صَلَّی اللہ  عَلَیْہِ واٰلہٖ وسلَّم کا یہ فرمانِ جنّت نشان بھی نقل کِیا ہے : جوشخص اَذان میں ’’اَشْھَدُاَنَّ مُحَمَّدًارَّسُوْلُ اللّٰہ‘‘سُن کر اپنے انگوٹھوں کے ناخنوں