نے نمازِ عصر پڑھ کر حضرت  مولیٰ علی کَرَّمَ اللہ  وَجْہَہُ الْکَرِیْم کے زانو پر سرِ مبارک رکھ کر آرام فرمایا ، حضرت  مولیٰ علی رَضِیَ اللہ  عَنْہ نے نمازِ عصر نہ پڑھی تھی ، آنکھ سے دیکھ رہے تھے کہ وقت جارہا ہے ، مگر اِس خیال سے کہ زانو سَرکاؤں تو شاید خوابِ مبارَک  ( یعنی نیند ) میں خَلَل آئے ، زانو نہ ہٹایا ، یہاں تک کہ سورج غُروب ہوگیا ، جب چشمِ اَقدس  ( یعنی آنکھ مُبارک )  کھلی تو  حضرت  علی رَضِیَ اللہ  عَنْہ نے اپنی نماز کا حال عرض کِیا ، حضورِ اکرم ، نورِ مُجَسَّم  صَلَّی اللہ  عَلَیْہِ واٰلہٖ وسلَّم نے حکم دِیا ( تو )  ڈوبا ہوا سورج پلٹ آیا ، حضرت  علی  رَضِیَ اللہ  عَنْہ نے نماز اَدَا کی پھر ڈُوب گیا ، اس سے ثابت ہوا کہ افضلُ العبادات نماز اور وہ بھی صلوٰۃِ وُسطیٰ  ( یعنی  ) نمازِ عصر حضرت مولیٰ علی رَضِیَ اللہ  عَنْہ نے حضور صَلَّی اللہ  عَلَیْہِ واٰلہٖ وسلَّم  کی نیند پر قربان کر دی۔ ^{( [1] )}

صَلُّوْا عَلَی الْحَبِیْب !                                                صَلَّی اللہ  عَلٰی مُحَمَّد

                                                 پیارے اسلامی بھائیو ! ابھی ہم نے بہارِ شریعت کی روشنی میں تعظیمِ مُصْطَفٰے صَلَّی اللہ  عَلَیْہِ واٰلہٖ وسلَّم سے مُتَعَلّق  دینِ اسلام کا ایک نہایت ہی اہم عقیدہ سُنا کہ  ” حضورِ اقدس صَلَّی اللہ  عَلَیْہِ واٰلہٖ وسلَّم کی تعظیم یعنی اعتقادِ عظمت جزو ِایمان و رکنِ ایمان ہےاور فعلِتعظیم ( یعنی تعظیم کرنا ) ، ایمان کے بعد ہر فرض سے مُقدّم  ( یعنی بڑھ کر  ) ہے “  لہٰذا ہمیں چاہئے کہ تعظیمِ مُصْطَفٰے  صَلَّی اللہ  عَلَیْہِ واٰلہٖ وسلَّم کا چراغ اپنے دل میں ہمیشہ روشن رکھیں اور اس کے لئے صرف اور صرف خُوش عقیدہ لوگوں کی صحبت اِخْتِیار کریں ۔یاد رکھئے ! تعظیمِ مُصْطَفٰے  کا جذبہ اور ایمان کی حفاظت کی فکر اپنے دل میں پیدا کرنے کے لئے جس طرح خُوش عقیدہ و نیک لوگوں کی صحبت اِخْتِیار کرنا ضروری ہے اسی طرح علمِ دین حاصل کرنا بھی نہایت ضروری ہے ۔

 پیارے اسلامی بھائیو ! تعظیمِ مُصْطَفٰے  صَلَّی اللہ  عَلَیْہِ واٰلہٖ وسلَّم کا ایک پہلو یہ بھی ہے کہ جب بھی حضورِ اکرم ، نورِ مُجَسَّم صَلَّی اللہ  عَلَیْہِ واٰلہٖ وسلَّم کا ذکرِ پاک سُننے کی سعادت حاصل ہو  تو انتہائی اَدَب کے