تھا ، اس لئے لفظِ محمد کو بِلا وضو لبوں  پر لانا مُناسب نہ سمجھا ۔ ^{( [1] )}

صَلُّو ْا عَلَی الْحَبِیْب !                                              صَلَّی اللہ  عَلٰی مُحَمَّد

سرکار کے اَسمائے مُبارَکہ

 پیارے اسلامی بھائیو ! یُوں  تو نبیِّ اکرم ، نورِمُجَسَّم صَلَّی اللہ  عَلَیْہِ واٰلہٖ وسلَّم کے مُتَعدَّد اسمائے گرامی ہیں۔چُنانچہ حضرت علّامہ محمد مَہدی فاسی مالکی رَحْمَۃُ اللّٰہ ِ عَلَیْہ فرماتے ہیں کہ اللہ پاک کے ہزار   ( 1000 )   نام ہیں  اور نبیِ کریم ، رَؤفٌ رَّحیم صَلَّی اللہ  عَلَیْہِ واٰلہٖ وسلَّم کے بھی ہزار   ( 1000 )  نام ہیں۔ابنِ فارس سے منقول ہے کہ نبیِ کریم صَلَّی اللہ  عَلَیْہِ واٰلہٖ وسلَّم کے اَسمائے شریفہ دوہزار ( 2000 )  سے زائد ہیں۔ان میں  سے ہر نام آپ کی سیرت وکردار کے کسی نہ کسی پہلوکو اُجاگر کرتاہے۔ ^{( [2] )} اعلیٰ حضرت امام احمد رضا خان رَحْمَۃُ اللّٰہ ِ عَلَیْہ  فرماتے ہیں کہ حضور ِاکرم ، نورِ مجسم صَلَّی اللہ  عَلَیْہِ واٰلہٖ وسلَّم کے ذاتی نام دو  ( 2 ) ہیں ، سابقہ کتابوں میں آپ صَلَّی اللہ  عَلَیْہِ واٰلہٖ وسلَّم کا نام  ” احمد “ ہے اور قرآنِ کریم میں ” محمد “ ہے اور حضور صَلَّی اللہ  عَلَیْہِ واٰلہٖ وسلَّم کے صفاتی نام بے گنتی ہیں۔  ^{( [3] )}

صَلُّوْا عَلَی الْحَبِیْب !                                             صَلَّی اللہ  عَلٰی مُحَمَّد

 پیارے اسلامی  بھائیو ! اِنْ شَآءَ اللہ !  آج کے بیان میں ہم تعظیمِ مُصطفے صَلَّی اللہ  عَلَیْہِ واٰلہٖ وسلَّم کے واقعات  سُننے کی سعادت حاصل کریں گے اور یہ بھی سُنیں گے کہ قرآن و حدیث میں تعظیمِ مُصْطَفٰے  کے بارے میں کیا کیا فرامین ہیں۔آئیے سب سے پہلے ایک ایمان افروز واقعہ سُنتے ہیں۔