مکّہ کی طرف سے شہنشاہِ دو عالم ، نورِ مُجَسَّم صَلَّی اللہ  عَلَیْہِ واٰلہٖ وسلَّم کے پاس صُلح کے مُعاملے میں گفتگو کرنے آئے تو اُس وقت اُنہوں نے صحابۂ کرام عَلَیْہِمُ الرِّضْوَان  کو حضورِ اکرم ، نورِ مُجَسَّم صَلَّی اللہ  عَلَیْہِ واٰلہٖ وسلَّم کی جس والہانہ انداز میں تعظیم کرتے ہوئے دیکھا ، اُس اندازِ تعظیم کو کُفّارِ مکّہ کے پاس جاکر اِن الفاظ میں بیان کِیا : قسم خُدا کی !  میں بہت سے بادشاہوں کے درباروں میں وفد  ( یعنی نُمائندگی کرنے والی جماعت ) لے کر گیا ہوں ، میں قیصر  ( یعنی ملکِ روم کے بادشاہ )  کسریٰ  ( یعنی سلطنتِ ایران کے بادشاہ )  اور نجّاشی  ( یعنی حبشہ کے بادشاہ ان سب )  کے درباروں میں بھی گیا ہوں ، لیکن خُدا کی قسم !  میں نے کوئی بادشاہ ایسا نہیں دیکھا کہ اُس کے ساتھی اِس طرح اُس کی تعظیم کرتے ہوں جیسے حضرت محمد  ( صَلَّی اللہ  عَلَیْہِ واٰلہٖ وسلَّم ) کے صَحابہ ( عَلَیْہِمُ الرِّضْوَان )  اُن کی تعظیم کرتے ہیں۔قسم خُدا کی جب وہ تُھوکتے ہیں تو اُن کا لُعاب کسی نہ کسی کی ہتھیلی پر ہی آتا ہے ، جسے وہ اپنے چہرے اور بدن پر مَل لیتا ہے ، جب وہ اپنے اَصْحاب کو کوئی حکم دیتے ہیں تو فوراً اُن کے حکم کی تعمیل ہوتی ہے ، جب وہ وضو کرتے ہیں تو ایسا معلوم ہوتا ہے کہ اُن کے اَصْحاب وضو کا  ( اِسْتِعْمال شُدَہ ) پانی حاصل کرنے کے لئے ایک دوسرے سے لَڑ پڑیں گے ، جب وہ گُفتگو فرماتے ہیں تو وہ لوگ اُن کی بارگاہ میں اپنی آواز نیچی رکھتے ہیں اور اَدَب و تعظیم کی وجہ سے اُن کی طرف آنکھ بھر کر نہیں دیکھتے ۔ ^{( [1] )}

اسی طرح کا ایک واقعہ حضرتِ  اَبُوجُحَیْفہ رَضِیَ اللہ  عَنْہ  اپنے والد سے روایت کرتےہیں کہ انہوں نے کہا : میں نے حضرت بلال رَضِیَ اللہ  عَنْہ کو دیکھا کہ اُنہوں نے رسولُ الله صَلَّی اللہ  عَلَیْہِ واٰلہٖ وسلَّم کے وضو کا اِسْتِعْمال شُدَہ پانی  ( ایک برتن میں )  لِیا تو صحابۂ کرام عَلَیْہِمُ الرِّضْوَان  اُس پانی کو حاصل کرنے کے لئے دوڑ پڑے ، جسے تھوڑا سا بھی حاصل ہوگیا اُس نے  ( اپنے جسم پر ) مَل لِیااور جسے حاصل نہ ہوسکا ، اُس نے کسی دوسرے کے ہاتھ