کی عظمت و تعظیم ظاہر ہو ۔

صَلُّوْا عَلَی الْحَبِیْب !                                             صَلَّی اللہ  عَلٰی مُحَمَّد

 پیارے اسلامی بھائیو !   تعظیمِ مُصْطَفٰے  صَلَّی اللہ  عَلَیْہِ واٰلہٖ وسلَّم کا ایک پہلو یہ بھی ہے کہ جن چیزوں کو پیارے آقا ، مکی مدنی مُصْطَفٰے  صَلَّی اللہ  عَلَیْہِ واٰلہٖ وسلَّم سے نسبت و تعلق ہے ، اُن کی بھی تعظیم کی جائے۔جیساکہ حضرت علامہ قاضی عیاض مالکی رَحْمَۃُ اللّٰہ ِ عَلَیْہ اس بارے میں ایک مستقل باب قائم کرتے ہوئے فرماتے ہیں کہ یہ بھی حضورِ اکرم ، نورِ مُجَسَّم صَلَّی اللہ  عَلَیْہِ واٰلہٖ وسلَّم ہی کی تعظیم ہے کہ وہ تمام چیزیں  جو آپ صَلَّی اللہ  عَلَیْہِ واٰلہٖ وسلَّم سے نسبت رکھتی ہیں اُن کی تعظیم کی جائے ، مکہ مکرمہ اور مدینہ طیّبہ کے جن مقامات کو آپ صَلَّی اللہ  عَلَیْہِ واٰلہٖ وسلَّم نے مشرف فرمایا ، اُن کا بھی اَدَب و احترام کِیا جائےنیز جن مقاماتِ شریفہ پر آپ صَلَّی اللہ  عَلَیْہِ واٰلہٖ وسلَّم نے قیام فرمایا اور وہ تمام چیزیں جن کو آپ صَلَّی اللہ  عَلَیْہِ واٰلہٖ وسلَّم نے دَستِ مُبارک سے چُھوا ہو یا وہ جسمِ مُبارک کے کسی عضو سے مَس  ( یعنی Touch ) ہوئی ہوں ، اُن سب کی تعظیم کی جائے۔تعظیمِ مُصْطَفٰے  کے اس پہلو کے تحت علامہ قاضی عیاض رَحْمَۃُ اللّٰہ ِ عَلَیْہ  چند روایات نقل کرتے ہوئے فرماتے ہیں : حضرت  عبدُ اللہ بن عُمر رَضِیَ اللہ  عَنْہ  کو دیکھا گیا کہ منبر شریف میں جو جگہ رسولُ الله صَلَّی اللہ  عَلَیْہِ واٰلہٖ وسلَّم کے بیٹھنے کی تھی ، وہاں اپنا ہاتھ رکھا اور اسے اپنے مُنہ پر پھیر لیا۔ اسی طرح امام مالک رَحْمَۃُ اللّٰہ ِ عَلَیْہ  کے بارے میں لکھتے ہیں کہ حضرت امام مالک رَحْمَۃُ اللّٰہ ِ عَلَیْہ  مدینہ طیبہ میں کسی جانور پر سوار نہ ہوا کرتے تھے اور فرماتے تھے کہ مجھے اللہ   پاک سے حیا آتی ہے کہ جس مقدَّس زمین میں رسولُ الله صَلَّی اللہ  عَلَیْہِ واٰلہٖ وسلَّم آرام فرما ہیں میں اس کو اپنے جانور کے کُھروں سے روندوں ۔ ^{( [1] )}