آپ صلی اللہ عَلَیْہِ وَ آلِہٖ وَسَلَّم  کا ایسا رُعب وخوف طاری ہوا کہ وہ سب کے سب  اوندھے منہ گر پڑے۔  

 اے عاشقانِ رسول ! اس ماہِ مبارک ربیع الْاَوَّل کے آتے ہی ان سہانی، نورانی گھڑیوں کی یاد آنے لگتی ہے، اسی مبارک مہینے میں تو ہمارے آقا، ہمارے مولا، محبوبِ خُدا، احمدِ مجتبیٰ، مُحَمَّدِ مصطفےٰ صلی اللہ عَلَیْہِ وَ آلِہٖ وَسَلَّم دُنیا میں تشریف لائے تھے۔

جب قرآن کا اُسْلوب بھی یہی ہے، مزاجِ عشق بھی یہی ہے کہ بات بات پر ذِکْرِ محبوب کیا جائے تو بتائیے !  اس ماہِ مبارک میں عشّاقانِ رسول جھوم جھوم کر ذِکْرِ محبوب کی محفلیں کیوں نہ سجائیں گے ؟  کیوں اس مہینے میں گھر گھر چراغاں نہیں ہو گا ؟  ہاں !  ہاں !   ذِکْرِ محبوب ہو گا، ضرور ہو گا، جشنِ وِلادت کی خوشی میں ہم خوب تِلاوت بھی کریں گے، درودِ پاک کی کثرت بھی کریں گے، گھر بھی سجائیں گے، چراغاں بھی کریں  گے اور ذوق و شوق کے ساتھ محافِلِ میلاد بھی سجائیں  گے، اپنا ظاہر و باطن بھی سجانے کی کوشش کریں گےاور جھوم جھوم کر آمدِ مصطفےٰ کے نعرے بھی لگائیں گے۔

منائیں گے خوشی ہم حَشْر تک جشنِ ولادت کی سجاوٹ اور کرنا روشنی ہر گز نہ چھوڑیں گے

اگرچہ جان بھی اس راہ میں قربان ہوجائے    مگر نَعْتِ نبی پڑھنا کبھی ہر گز نہ چھوڑیں گے

نبی کے نام پر سو جان سے قربان ہوجائیں     غلامانِ نبی ذکرِ نبی ہرگز نہ چھوڑیں گے ^{( [1] )}

حُضُور کی آمد !          مرحبا !                غَیُّور کی آمد !           مرحبا !

پُرنور کی آمد !          مرحبا !                داتا کی آمد !           مرحبا !

مولیٰ کی آمد !           مرحبا !                پیارے کی آمد !       مرحبا !