حضرت ابو بکر صدیق رَضِیَ اللّٰہُ عَنْہُ کی ترغیب پر حضرت عثمانِ غنی رَضِیَ اللّٰہُ عَنْہُ نے بارگاہِ رسالت میں حاضِر ہونے کی حامی بھر لی   مگر قسمت کو کچھ اور ہی منظُور تھا ، حضرت عثمانِ غنی اور ابو بکر صدیق  رَضِیَ اللّٰہُ عَنْہُ مَا ابھی یہ باتیں کر ہی رہے تھے کہ دو جہاں کے تاجدار ، رسولوں کے سالار صَلَّی اللہ عَلَیْہِ وَاٰلِہٖ وَسَلَّم ان کے قریب سے گزرے ، جب آپصَلَّی اللہ عَلَیْہِ وَاٰلِہٖ وَسَلَّم نے حضرت عثمانِ غنی رَضِیَ اللّٰہُ عَنْہُ کو دیکھا تو قریب تشریف لائے اور فرمایا : يَا عُثْمَانُ ! اَجِبِ اللهَ اِلىٰ جَنَّتِهِ ، فَاِنِّيْ رَسُوْلُ اللهِ اِلَيْكَ وَاِلىٰ خَلْقِهِ یعنی عثمان ! جَنّت کی طرف اللہ پاک (بُلاتا ہے ، اس ) کی دعوت پَر لبیک کہو...! ! بے شک میں تمہاری اور تمام مخلوق کی طرف اللہ کا رسول ہوں۔

مکی آقا ، مدنی مصطفےٰ صَلَّی اللہ عَلَیْہِ وَاٰلِہٖ وَسَلَّم کی مبارک زبان سے نکلا ہوا خوشبودار کلام تاثِیْر کا تِیر بَن کر حضرت عثمانِ غنی رَضِیَ اللّٰہُ عَنْہُ کے دِل میں اُتر گیا ، حضرت عثمانِ غنی رَضِیَ اللّٰہُ عَنْہُ فرماتے ہیں : مصطفےٰ جانِ رحمت ، شمعِ  بزمِ  ہدایت صَلَّی اللہ عَلَیْہِ وَاٰلِہٖ وَسَلَّم کا پاکیزہ کلام سُن کر میں  خود سے بےقابُو اور وارفتہ ہو گیا اور میں نے فورًا ہی سچے دِل سے کہا^([1]) :

اَشْہَدُ اَنْ لَّا اِلٰہَ اِلّا اللہ وَحْدَہٗ لَا شَرِیْکَ لَہٗ وَاَنَّ مُحَمَّداً عَبْدُہٗ وَرَسُوْلُہٗ

اللہ سے کیا پیار ہے عثمانِ غنی کا          محبوبِ خُدا یار ہے عثمانِ غنی کا

گرمی پہ یہ بازار ہے عثمانِ غنی کا                                                    اللہ  خریدار ہے  عثمانِ  غنی  کا^([2])

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

پیارے اسلامی بھائیو!اس حکایت میں اَمِیْرُ الْمُؤْمِنِیْن حضرت عثمانِ غنی رَضِیَ اللّٰہُ عَنْہُ کے اسلام قبول کرنے کا بیان ہے ، ایک اَہْم مدنی پھول جو اس حکایت سے سیکھنے کو ملا وہ یہ ہے کہ