وضاحت: يعنې مونږ مسلمانان يو، مونږه د خوږ آقا صَلَّى اللهُ عَلَيْهِ وَاٰلِهٖ وَسَلَّم اُمَّتيان يو، زمونږه طور طريقے، زمونږ د ژوند تيرولو انداز جُدا دے، مونږه په هر حال كښې د قرآنِ كريم او د خوږ آقا صَلَّى اللهُ عَلَيْهِ وَاٰلِهٖ وَسَلَّم د سُنَّتو پابند يو، لِهٰذا خپل ځان په كافر قومونو باندې مه قياس كوئ....!

    الله پاك دِ مونږ ټولو ته د عبرت نظر راكړي. اٰمِین بِجَاہِ خاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم 

د مكے د كافرانو عبرتناكې غلطئ وضاحت

    خوږو او محترمو اسلامي ورونړو! دا غلطي په اصل كښې يوه جذباتي فيصله وه كومه چې د مكے كافرانو د غزوۀ بدر په موقع كړي وه. مُفَسِّرينِ كرام فرمائي: د مكے د كافِرانو يوه تجارتي قافِله د مُلكِ شام نه مكے مكرمے ته را روانه وه،  په اصل كښې دوئي د خپلې تجارتي قافلے د حفاظت د پاره روان شوي وو خو مُعامَله دا اوشوه چې د هغوئي تجارتي قافله كومه چې د مُلكِ شام نه راروانه وه، هغه په عامه لاره رانغله بلكه د سمندر د غاړې په لاره په حفاظت مكے مكرمے ته اورسيدله. دلته د كافرانو كوم لښكر چې د قافلے د حفاظت د پاره وتلے وو، دوئي چې كله د جُحْفَه مقام ته اورسيدل نو د تجارتي قافلے له طرفه يو قاصد هغوئي له راغلو او اوئې وئيل چې ستاسو تجارتي قافله په حفاظت مكے مكرمے ته اورسيدله، تاسو بيرته راځئ...! په دې موقع باندې ابوجهل په تكبُّر اووئيل: نه... مونږ به اوس بيرته نه ځو، مونږه بهادُر خلق يو، مونږ به يو ځل ضرور د بدر ميدان ته ځو، نن صبا هلته ميله لګيدلي ده، د ټول عرب خلق هلته راجمع شوي دي، مونږ به هلته خپله بهادري ښايُو، د مسلمانانو نوم به د دُنيا نه ختم كړو (معاذَ الله!)،  بيا چې دا هر څه اوکړو نو د هغې نه پس به هلته شراب څښو، ډمې راسره دي، دوئي به هلته ګډوو او جشن به مناوهو.^[1]