د ليدلو د پاره دي، په دې خوراك نه شو كولے، نو هُم دغه شان د فيصله كولو د پاره مونږ ته شُعُور راكړے شوے دے، مونږ د جذباتو په بنياد فيصله نه شو كولے، مونږه چې كومه فيصله په خپل شُعُور سره اوكړو، هغې ته شُعُوري فيصله وائي، كه مونږه د جذباتو په بنياد فيصله اوكړو، شُعُور پريږدو نو هغې ته به جذباتي فيصله وائي د كومې چې عام طور ښه نتيجه نه راوځي.

د جذباتي انداز اختيارولو نقصانونه

     يو ماهِرِ نَفسيات دے، هغه ډىر كلونه مسلسل د جَذباتو مُتَعَلِّق تحقيق اوكړو، كله چې ئې تحقيق مكمل شو نو يو كتاب ئې اوليكلو، د هغه ماهِرِ نفسيات پوره تحقيقاتو نتيجه او خُلاصه چې كومه ده، هغه د دې كتاب يوه ښكلي او ښائسته جمله ده، هغه وائي: ما تر اوسه پورې چې څومره تحقيق كړے دے، د هغې مطابق زه په دې نيتجه رسيدلے يم چې انسان كله هم د جذباتو په بنياد فيصله كړې ده نو هغه پښيمانه شوے دے.

    دا حقيقت دے، انسان چې كله هم د جذباتو په بنياد فيصله كوي نو هغه پښيمانه كيږي. په دې دُنيا كښې چې انسان د ټولو نه اوَّل کومه ګناه كړي وه، هغه هم د جذباتو په بنياد شوي وه.

د دُنيا وړومبے قتل كله او څنګه شوے وو....؟

    حضرت هابيل رَحْمَةُ اللهِ عَلَيْه او قابيل دواړه ورونړه وو، د قابيل د حضرت هابيل رَحْمَةُ اللهِ عَلَيْه سره څه اختلاف وو، حضرت آدم عَلَيْهِ السَّلام هغه اختلاف ختمولو د پاره دواړو ته حكم اوكړو چې د الله پاك په بارګاه كښې قرباني پيش كړئ. په هغه زمانه كښې به چې