لِهٰذا ذاتي طور جذبات فائده مند دي. خو! نُقصان په هغه وخت كښې کيږي چې كله مونږه د جذباتو تحت فيصله كوو، په اصل كښې جذباتي انداز اختيارول هُم دې ته وئيلے كيږي يعنې د جذباتو زِيرِ اَثر فيصله كول. لِهٰذا د خپل ژوند دا اُصُول جوړ كړئ چې كله په ما باندې جذبات غالِب شي نو هغه وخت به زه يوه فيصله هُم نه كووم.   

په جذباتو قابو ساتل هم يوه عقلمندي ده

      د انګريزئ يوه اصطلاح وئيلے كيږي: I.Q (آئی۔ کیو)۔ شايد په مونږ كښې به اكثرو خلقو دا لفظ اوريدلے وي، د دې مطلب دِماغي ذهانَت دے. چې كله انټرويو وغيره وركول وي نو د مختلفو سوالونو په ذريعه I.Q  (يعنې د بنده ذَهانت) چيك کوي. دغه شان يوه بله اصطلاح هم جوړه شوي ده، هغې ته E.Q (اِی.کیو)  يعنې جذباتي ذَهانت وائي. ماهِرينِ نفسيات وائي چې څوك په خپلو جذباتو باندې كنټرول نه شي کولے مثلاً څوك چې په خبره خبره غُصَّه كيږي، که غم پرې راشي نو ځان په قابو كښې نه شي ساتلے، که خوشحالي پرې راشي نو ليونے شي، داسې كس چې هر څومره ذَهين وي، هغه د خپلو جذباتو په وجه د ډىرو غټو غټو نقصانونو سبب جوړيدے شي. په دې وجه اوس په دُنيا كښې په مختلفو ادارو او مختلفو دفترو كښې ملازمت وركولو د پاره د I.Q سره سره د E.Q ټىسټ هُم اخلي، يعنې چې دا انسان څومره ذَهين دے، د دې سره سره دا هم ګوري چې دا د خپلو جذباتو دُرُست استعمال كولو كښې څومره ماهِر دے.

د بُزُرګانِ دينو په خپلو جذباتو باندې كنټرول

     خوږو او محترمو اسلامي ورونړو! د دې نه معلوميږي چې د ژوند په سفر كښې د كاميابئ د پاره په خپلو جذباتو قابو ساتل ډير ضروري دي. اَلْـحَـمْـدُ لِلّٰـہ! زمونږه بُزُرګانِ