چې كله په مونږه جذبات غالب شي نو د دې په بركت به د ښه نِيَّت كولو دا عادت پكار راځي او مونږه به د جذباتي فيصلو نه محفوظه اوسو.  اِنْ شآءَ اللهُ الْكَرِيْم!  

    اَلْـحَـمْـدُ لِلّٰـہ! د نن صبا دې د فتنو نه ډك دور كښې د نيك او باكرداره جوړيدلو كومه نُسخه چې شيخِ طريقت، اَمِیرِ اهلسنّت، حضرتِ علّامه مَولانا محمد الیاس عطّار قادِری دَامَـتْ بَـرَكَـاتُـهُـمُ الْـعَـالِـيَـهْ   عطا كړي ده، يعنې ”72 نيك اعمال“ په دې رساله كښې وړومبے نيك عمل هُم دا دے چې: آيا نن تاسو څه نه څه نيك او جائز كارونو كولو نه مخكښې كم از كم يو ښه نِيَّت كړے وو؟ الله پاك دِ مونږ ټولو ته ښو ښو نِيَّتونو والا دې نيك عمل او په ټولو 72 نيكو اعمالو باندې د عمل كولو توفيق راكړي.

 اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم

(3) خپل خيالات بدل كړئ....!

     حُضُورِ غوثِ پاك، شيخ عبدُ القادر جيلاني رَحْمَةُ اللهِ عَلَيْه په فُتُوحُ الغَيب كښې فرمائي: په هر مسلمان باندې په هر حال كښې درې خبرې لازمې دي: (1) د شريعت په احكاماتو دِ عمل کوي (2) د كومو خبرو نه چې شريعت منع كړې ده، د هغې نه به ځان بچ ساتي (3) په تقدير دِ هميشه راضي اوسي. 

د دې فرمائيلو نه پس حُضُورِ غوثِ پاك رَحْمَةُ اللهِ عَلَيْه اوفرمائيل: فَلْیُحَدِّثْ بِہَا نَفْسَہٗ د دې درې خبرو مُتَعَلِّق دِ مسلسل ځان سره خبرې کوي.^[1] يعنې هر مسلمان له پكار دي چې دا درې خبرې د خپلو خيالاتو حِصَّه جوړې كړي.