د جذباتي انداز اختيارولو نقصانونه

په اصل كښې زمونږ چې كوم جذبات دي، مثلاً خوشحالي، غم، غُصَّه، بيزاري، محبت او مينه وغيره هر څو قسمه جذبات چې دي، دا مونږ له د فيصله كولو د پاره نه دي راكړے شوي، دا جذبات مونږ له د تَعَلُّق ساتلو د پاره راكړے شوي دي، مونږه په دې دُنيا كښې چې څه كوو، د دې د پاره مونږ ته د دوو څيزونو ضرورت راځي: (1) د كار كولو فيصله (2) د هغه كار سره تَعَلُّق. مثلاً په جمات كښې اذان اوشو، اوس مونږ له لمُونځ ادا كول دي، نو اوَّل به مونږه په زړه كښې فيصله کوو چې د لمَانځه وخت شوے دے، لمَانځه له لاړ شه! د دې فيصلے كولو نه پس دويم كار په دې فيصله باندې عمل كول دي يعنې لمَانځه د پاره تلل دي، جمات ته رسيدل دي، د دې كار د پاره ضروري دي چې زمونږ د خپلې فيصلے سره مضبوط تَعَلُّق وي، فرض كړئ كه زمونږه د خپلې فيصلے سره مضبوط تَعَلُّق نه وي نو كيدے شي چې مونږ لمَانځه له روان يُو او په لاره كښې راته يو بد دوست ميلاؤ شي او مونږه د هغه په خبرو كښې لمُونځ قضا كړو يا شيطان زمونږ په زړه كښې وسوسه واچوي او مونږه خپله فيصله بدله كړو. لِهٰذا د فيصلے كولو نه پس، هغه كار باندې د عمل كولو د پاره د هغه كار سره مضبوط تَعَلُّق ساتل هم ضروري دي.

دا دويم څيز يعنې د خپلو فيصلو، كارونو، دِين، قُرآن، سُنَّت، خپلوانو، مور و پلار، اولاد وغيره سره مضبوط تَعَلُّق ساتل، د دې د پاره الله پاك مونږ له جذبات راكړي دي. اوګورئ! الله پاك مونږ له غوږونه د اوريدلو د پاره راكړي دي، مونږه د غوږونو په ذريعه بوئ كول نه شو كولے، د بوئيولو د پاره پوزه ده، په دې ليدل نه شو كولے، سترګې

Important

Mobile Apps

Contact Us