ځائے کښې وباء خوره شي، طاعون راشي نو د هغې د ويرې تښتيدل د عقل خلاف دي او الله پاك ئې هم نه خوښوي. د طاعون د ويرې نه تښتيدلو ته علمائے كرامو ګناهِ كبيره وئيلي ده او هُم دا حُكم د طاعُون نه علاوه د نورو وباګانو مثلاً د كُرُونا (Corona) وغيره هم دے. ^([1]) خوږ آقا صَلَّى اللهُ عَلَيْهِ وَاٰلِهٖ وَسَلَّم فرمائي: د طاعون نه تښتيدلو والا داسې دے لکه د كافرو په مُقابَله كښې ميدان پريښودلو والا او تښتيدونكے. ^([2])

    او د كافرو په مُقابَله كښې ميدان پريښودلو او تښتيدلو اوالا څنګه دے، د دې په باره كښې په نهمه سيپاره، سورۀ انفال، آيت نمبر 16 كښې ارشاد دے:

فَقَدْ بَآءَ بِغَضَبٍ مِّنَ اللّٰهِ وَ مَاْوٰىهُ جَهَنَّمُؕ-وَ بِئْسَ الْمَصِیْرُ(۱۶)  (پارہ9،سورۃالانفال:16)                                                     

مفهوم ترجمہ کنز الایمان: نو هغه د الله په غضب كښې را اُوګرځيدو او د هغه ځائے دوزخ دے او ډىر بد ځائے دے د ورګرځيدلو.

د مرګ نه څوک نه شي خلاصيدے

     اے عاشقانِ رسول! مرګ څه داسې څيز نه دے چې ګنې په تښتيه يا چرته پټيدو به ترينه څوک خلاص شي، مرګ خو هر ځائے راتلے شي، په دُنيا كښې داسې يو مقام نشته چې څوک به ترينه هلته پټ شي او د مرګ نه به بچ شي، نو چې مُعامَله داسې ده نو بيا خو د وباګانو نه تښتيدل عقلمندي نه ده بلکه بے وقوفي ده، په اته ويشتمه سيپاره، سورۀ جُمُعه، آيت نمبر8 كښې ارشاد کيږي:

اِنَّ الْمَوْتَ الَّذِیْ تَفِرُّوْنَ مِنْهُ فَاِنَّهٗ مُلٰقِیْكُمْ    (پارہ28،سورۃالجمعہ:8)

مفهوم ترجمہ کنز الایمان: هغه مرګ چې تاسو ترينه تښتئ هغه به تاسو له ضرور راځي۔