چې دا آواز ئې څنګه واوريدلو نو اويا زره کسان ټول بغير څه د مرض نه يو دَم هلاك شو، اته ورځو پورې دغه مړي دغه شان پراته وو اوپړسيدل او اوچاودل او هر طرف ته ګنده بوئي خور شو، خواو شا خلق د بد بوئي نه پريشانه شو هغوئي ورغلل او مړي خخول ئې غوښتل خو دومره زيات مړي خخول ډير ګران کار وو. هغوئي د مړو نه چار چاپيره اوچت ديوال راتاو كړو، دغه شان ډيره موده تيره شوه، مړي وراسته شو اوريژيدل، هډوكي ئې خواره واره شو، بيا يوه ورځ د الله پاك يو نبـي حضرت حِزْقِيْل عَلَيْهِ  السَّلام په هغه ځائے تيريدلو.

     حضرت حِزْقِيْل عَلَيْهِ  السَّلام د الله پاک نبي دے هغوئي عَـلَيْـهِ الـسَّـلَام ته ذُوالْكِفْل هم وائي، حضرت حِزْقِيْل عَلَيْهِ  السَّلام د حضرت موسٰى عَلَيْهِ  السَّلام دريم خليفه دے. حضرت حِزْقِيْل عَلَيْهِ  السَّلام چې كله دومره ډىر زيات هډوكي خواره وارہ اوليدل نو ډير پريشانه شو، زړه ئې غمګين شو او په سترګو كښې ئې اوښكې راغلې او د غم په دې كيفيت كښې ئې د الله پاك په بارګاه كښې عرض اوكړو: اِلٰهى! دوئي ژوندي كړې.

    اَلْحَمْدُ لِلّٰه انبيائے كرام عَلَيْهِمُ  السَّلام د الله پاک په بارګاه کښې دومره اوچت شان او مرتبه لري چې د دوئي په خواهش الله پاك خپل قانون بدلوي، د الله پاك قانون دے چې مړي به د قيامت نه مخكښې نه ژوندي كيږي خو قربان شم! حضرت حِزْقِيْل عَلَيْهِ  السَّلام د يو دوو نه بلکه د اويا زره مړو د قيامت نه مخكښې د ژوندي كولو خواهش اوكړو نو الله پاك وحي را اوليږله، اوئې فرمائيل: اے حِزْقِيْل دوئي ته غږ اوکړه...!!

      سُبْحٰنَ الله! ژوندي كول او مړه كول د الله پاك صِفَت دے، الله پاك د حِزْقِيْل عَلَيْهِ  السَّلام د آواز نه بغير هُم هغه اويا زره مړي ژوندي كولے شو، د حضرت حِزْقِيْل عَلَيْهِ  السَّلام خواهش به دغسې هُم پورا شوے وے خو دا ئې ښودل چې الله پاك د خپلو ګرانو او خوږو بندګانو په ژبه كښې داسې تاثير ايښودے دے، چې د هغوئي په فرمائيلو مړي