شَیْءٍ خَلَقَهٗؕ(۱۸) مِنْ نُّطْفَةٍؕ-خَلَقَهٗ فَقَدَّرَهٗۙ(۱۹)   (پارہ30،سورۀعبس:17-تا-19)

څومره ناشكره دے، هغه ئې د څه څيز نه جوړ كړے دے، د اوبو د څاڅكي نه ئې پيدا كړے دے.

      الله! الله! چې د انسان دا حال دے نو د هغه غُرور و تكبر كول، ځان لوئي ګنړل، اوچتې خبرې كول د هغه سره هيڅ كله نه ښائي، صرف يو څيز دے چې هغه د انسان سره ښائي او هغه دے عاجزي كول، د انسان د ټولو نه افضل و اعلٰى حالت دا دے چې په سجده كښې ئې سر په زمكه ايښودے وي او سُبْحَانَ رَبِّیَ الْاَعْلیٰ  وائي، په مونږه لازم دي چې د الله پاك په بارګاه كښې سرونه ټِيټ كړو او په ډيره عاجزئ سره ژوند تير كړو دا حقيقي اوچت والے دے، په حديثِ پاك كښې ارشاد دے:”مَنْ تَوَاضَعَ لِلّٰہِ رَفَعَہُ اللّٰہُ“څوك چې د الله پاك د پاره عاجزي كوي، الله پاك هغه ته اوچت والے عطا كوي.^([1])

     الله پاك دِ مونږ ټولو ته عاجزي رانصيب كړي. اٰمِين بِجَاهِ النَّبِىِّ الْاَمِين  صَلَّى اللهُ عَلَيْهِ وَاٰلِهٖ وَسَلَّم۔

      كه وباء خوره شي نو مونږ له څه كول پكار دي؟ راځئ چې په دې باره كښې يو څو مدني ګلونه واورو:

(1) ډير زيات اِستِغْفار کوئ

    د وباء راتلو يو غټ سبب ګناه هم ده، الله پاك په قرآنِ كريم كښې ارشاد فرمائي:

وَ مَاۤ اَصَابَكُمْ مِّنْ مُّصِیْبَةٍ فَبِمَا كَسَبَتْ اَیْدِیْكُمْ     (پارہ25،سورةالشورٰى:30)

مفهوم ترجمہ کنز الایمان: او تاسو ته چې كوم مصيبت در اورسيدو، هغه د هغې په سبب دے څه چې ستاسو لاسونو ګټلي دي.