Book Name:Wabae Amraz or islam
(4) د وباء په دَوران کښې اَوراد او وَظائف لولئ
د وباء په وخت كښې د قرآنِ كريم ډير تلاوت كوئ، حديثِ پاك كښې دي: خَیْرُ الدَّوَاءِ الْقُرْآن يعنې بهترين دارُو قرآن دے.([1]) سُورَۃُ الْفَاتِحَہ لولئ چې څوك 100 ځله سُوْرَةُ الْفَاتِحَه اولولي او دُعا اوغواړي، قبوله به شي.([2]) سُورَۃُ الدُّخَان لوستلو سره مشكلات لرې كيږي.([3]) سُوْرَۃُ الْمُزَّمِّلْ 11 ځله لوستلو سره هر مشكل آسانيږي. ([4]) سُوْرَۃُ الْقَارِعَہ لوستلو سره د بلاګانو نه حفاظت كيږي.([5]) سُوْرَۃُ النُّوْح لولئ چې دا وبائي مرضونو زغلولو كښې فائده مند دے.([6])
په کثرت سره دُرُودِ پاك لولئ چې دُرُودِ پاك د هر درد دوارو دي، د هر مشكل حل دے، دُرود شريف لوستلو سره شِفا نصيب كيږي، دُرود شريف لوستلو سره غمونه لرې كيږي، دغه شان د وباء په ورځو كښې اذان هم كوئ چې د دې سره وباګانې تښتي، په بهارِ شريعت كښې دي: د وبا په زمانه كښې اذان كول مُستحب (يعنې شرعاً خوښ) دي. ([7])