چې اوخوړو نو درد مې نور زيات شو، دا څه مُعامَله ده؟ ارشاد اوشو: اے موسٰى! وړومبے ځل ته زما په حكم تلے وے نو شِفاء دِ نصيب شوه، او دا ځل په خپله خوښه تلے وے نو درد دِ زيات شو، اے موسٰى! آيا تا ته نه ده معلومه.. چې؟ بيشكه د دُنيا هر يو څيز زَهرِ قاتِل دے، خو زما نوم دے چې شِفاء ترينه جوړوي.^([1])

           سُبْحٰنَ الله! اے عاشقانِ رسول! معلومه شوه چې مرض راتلل هم د الله له طرفه دي، او شِفا نصيب كيدل هم د الله پاك له طرفه دي، كه وباء خوره شي او که مرضونه راشي خو هيڅ كله هم خپله عقيده مه كمزوري كوئ! اِيمان پوخ لرئ. او! احتياطي تدابير اختيارول، SOPs (Standard Operating Procedure) [ايس اُو پِيز] باندې عمل كول بهرحال لازمي دي چې احتياط كول هم د الله پاك او د هغه حبيب صَلَّى اللهُ عَلَيْهِ وَاٰلِهٖ وَسَلَّم ښودلي دي.

په كُرُونا وائرس باندې عوامي رَدِّ عمل

     اوس چې كله د كُرُونا وائرس سخت طوفان راغلے وو او تقريباً په ټوله دُنيا كښې خور شوے وو، په اخبارونو كښې، په ټـى وي باندې، په سوشل ميډيا باندې، تر دې چې د هر يو كس په ژبه د كُرُونا خبرې عامې وے. هر طرف ته ويره خوره وه، اوس هم په ډيرو ملكونو كښې د دې اثرات موجود دي، د كُرُونا په مُعامَله كښې دوه قِسمه سوچ لرونكي خلق وو:

     (1) بعضې خو ډىر زيات ويريدلي وو او ځانونه ئې په كور كښې قيد كړي وو، د هغوئي مطابق خو شايد چې دا د دُنيا ختميدل وو، هغوئي دا ګنړله چې كُرُونا به انسانان