جانے سے پہلے اپنے آپ کے اعمال کا وزن کر لو اور اس دن کی بڑی پیشی کی تیاری کر لو جس دن تم سباللّٰہ پاک کی بارگاہ میں اس حال میں  پیش کئے جاؤ گے کہ تم میں  سے کسی کی کوئی پوشیدہ حالت چُھپ نہ سکے گی۔ ^[1]

پیارے اسلامی بھائیو!اللہ پاک کی بارگاہ میں پیشی کا خوف رکھنے والے ایسے ہوا کرتے ہیں ۔ وہ اپنے اعمال کا محاسبہ کیا کرتے تھے  اور بروزِ قیامت حساب دینےکا خوف انہیں گناہ سے روکے رکھتا تھا ۔ مگر ہائے افسوس! ہماری حالت ایسی نہیں ہے ہم اللہ پاک کے حضور پیش ہونے کو بھولے بیٹھے ہیں ۔ ہم نفسِ اَمَّارہ کے اشاروں پر چلتے رہتے ہیں اور جب کبھی ضمیر ملامت کرتاہے تو طرح طرح کی تاویلیں پیش کرکے اسے سُلا دیتے ہیں ، مگر ا س کے باوجود ہم جانتے ہیں کہ ہم نے کیا کیا حق تلفیاں کی ہیں ، کن کا حق دبایا ، کہاں کہاں سے رزقِ حرام کمایا ، کن کن فرائض کو چھوڑا ، کہاں کہاں گناہوں کا ارتکاب کیا ہے؟ان سب کے بارے میں ہمیں بہت کچھ معلوم  بھی ہے اور بہت کچھ بھُولے ہوئے  بھی ہیں مگرہمارے ربِّ کریم کے علم میں اور ہمارے نامۂ اعمال کے دفتر  میں درج ہےاور ان سب باتوں کا ہمیں حساب دیناہے ۔

اے عاشقانِ رسول !ہم دعویٰ تو کرتے ہیں کہ ایک دن مرنا ہے اور اللہ پاک کے حضور جواب دہ ہونا ہے مگر ہمارے اعمال سے اس بات کا اظہارنہیں ہوتا غور تو کیجئےکہ* اگر بارگاہ ِالٰہی میں پیشی کاخوف ہمارےدل میں ہوتاتو کیا ہماری کوئی نماز قضا ہوسکتی تھی؟*  اگر  بارگاہِ الٰہی میں پیشی کا خوف ہمارے دل میں ہوتاتو کیا فرض