اہلسنت دَامَتْ بَرَکَاتُہُمُ الْعَالِیَہ نیکیوں کے شیدائی ہیں اور نیک کاموں کی ترغیب کےلیے مختلف دعائیں اِرْشادفرماتے رہتے ہیں۔ کبھی ہفتہ وار رسالہ پڑھنے ، سُننے والوں کے لیے دعاارشادفرماتے ہیں تو کبھی قافلے میں سفر کرنے والوں کو دعاؤں سے نوازتے ہیں ، کبھی  چندہ(Donation) جمع کرنے والے کو دعائیں دیتے ہیں تو کبھی مَدَنی انعامات پر عمل کرنے والوں اور والیوں کو دُعاؤں سے نوازتے ہیں۔ ہمیں بھی چاہیے کہ اللہ پاک کےا س مقبول ولی کی دعائیں پانے کا کوئی موقع ہاتھ سے جانے نہ دیں۔ کیا معلوم ان کی کون سی دعا ہماری دنیا و آخرت کو بہتر بنا دے۔

وہ لوگ جو عاشقانِ رسول کی مَدَنی تحریک دعوتِ اسلامی کے لیے اسٹالز ، چندہ بکس یاگھریلو صدقہ بکس وغیرہ  کے ذریعے فنڈز جمع کرنے یا کروانے میں کسی بھی طرح تعاون کرتے ہیں ، اَمِیرِ اہلسنّت دَامَتْ بَرَکَاتُہُمُ الْعَالِیَہ نے ان کے لیے کیسی پیاری پیاری دعافرمائی ہے : ىاربَّ المُصْطَفٰے!جو چندہ بکس لگاتے ہىں لگواتے ہىں ، اس کے لىے بھاگ دوڑ کرتے ہىں ، اس مىں چندہ ڈالتے ہىں ، جمع کرتے ہىں ، لے جاتے ہىں ، جس طرح بھى اس مىں حصہ لىتے ہىں ، اِن کو صرف اپنے دَر کا محتاج رکھ ، کسى غىر کا محتاج نہ کرنا۔

اٰمِین بِجَاہِ النَّبِیِّ الْاَمِیْن صَلَّی اللہُ عَلَیْہِ وَسَلَّم  

اسی حکایت سے یہ بھی حاصل ہوا!جو اللہ پاک کی راہ میں اِخْلاص کے ساتھ   صَدَقہ کرتا ہے ، اللہ پاک اُس کو ضرور اَجْر عطا فرماتا ہے۔ لہٰذا ہمیں بھی چاہیے کہ وقتاً فوقتاً جتنی توفیق ہو ضرور صَدَقہ کِیا کریں ، اِنْ شَآءَ اللہ اس کی بے شُمار دینی و دُنیاوی برکتیں حاصِل ہوں گی۔ اللہ پاک کی راہ میں صَدَقہ و خَیْرات کرنے کی اَہمیّت و فضیلت کا اندازہ اس بات سے لگائیے کہ خُود ہمارے پیارے ربِّ کریم نے قرآنِ کریم میں صَدَقہ و خَیْرات کرنے کا حکم اِرْشاد فرمایا اور مختلف مقامات پرصَدَقہ و خَیْرات کرنے والوں کی تعریف بھی  فرمائی ہے ، چنانچہ

 پارہ 1سورۃُ البَقَرہ کی آیت نمبر 2 اور3 میں ارشاد ہوتا ہے :

هُدًى لِّلْمُتَّقِیْنَۙ(۲) الَّذِیْنَ یُؤْمِنُوْنَ بِالْغَیْبِ وَ یُقِیْمُوْنَ الصَّلٰوةَ وَ مِمَّا رَزَقْنٰهُمْ یُنْفِقُوْنَۙ(۳)            (پ۱ ، البقرۃ : ۳ ، ۲)

تَرْجَمَۂ کنز العرفان : اس میں ڈرنے والوں کے لئے ہدایت ہے۔ وہ لوگ جو بغیر دیکھے ایمان لاتے ہیں اور نماز قائم کرتے ہیں اور ہمارے دئیے ہوئے رزق میں سے کچھ (ہماری راہ میں )خرچ کرتے ہیں۔

صَلُّوْا عَلَی الْحَبِیْب!                            صَلَّی اللّٰہُ عَلٰی مُحَمّد

اےعاشقانِ رسول!واقعی بہت خُوش نصیب ہیں وہ مُسَلمان  جو اپنے مال کے وہ حُقُوق ادا کرتے ہیں جن کا ادا کرنا ان پر لازم و ضروری ہے ، ٭جو خُوش دِلی سے وقت پر پوری پوری زکوٰۃوفطرہ ادا کرتے ہیں ، ٭ جو اپنے مال کو ماں باپ ، بہن بھائی اور اولاد پر خَرْچ کرتے ہیں ، ٭جو اپنے رِشتہ داروں(Relatives)کی مَوْت پر اُن کو ثواب پہنچانے کے لیے سوئم ، دَسواں ، چالیسواں اوربرسی وغیرہ کر کے غریبوں اور محتاجوں کو کھانا کِھلاتے ہیں۔ ٭ جو ثواب پہنچانے کے لیے مکتبۃ المدینہ کے رسائل تقسیم کرتے ہیں ، ٭خُوش نَصِیْب ہیں