(ذوق نعت،ص۱۰۰)

صَلُّوْا عَلَی الْحَبِیْب!                                                                           صَلَّی اللّٰہُ تَعَالٰی عَلٰی مُحَمَّد

      پيارا پيارا اسلامي ڀائرو! ربِّ ڪريم جَلَّ جَلَالُه امامِ عالي مقام، امامِ حسين رَضِىَ اللهُ عَنْه کي تمام گھڻين خوبين سان ۽ شان ۽ عظمت سان نوازيو هو، پاڻ رَضِىَ اللهُ عَنْه جي عبادت ۽ رياضت، تقويٰ ۽ پرهيز گاري جا واقعا ٻڌڻ کان پهريان سندن جو مختصر ذڪرِ خير ۽ تعارف(Introduction) ٻڌون ٿا:

مختصر تعارف

     ٭ حضرتِ سَيدُنا امامِ حسينرَضِىَ اللهُ عَنْه جي وِلادَت 5 شعبان 4ھ تي مدينه مُنوره ۾ ٿي۔ ٭ سندس جو نالو نبي ڪريم، رؤف رحيم صَلَّى اللّٰهُ عَلَيۡهِ واٰلِهٖ وَسَلَّمَ ”حُسين“ ۽ ”شبير“ رکيو۔٭ حضرتِ امامِ حُسين رَضِىَ اللهُ عَنْه جي ڪنيت ”ابوعبدالله“ ۽ لَقب”سِبطُ  رَسُولِ الله(رسول الله صَلَّى اللّٰهُ عَلَيۡهِ واٰلِهٖ وَسَلَّمَ  جا ڏوهٽا)“ ۽ ”رَيحَانَة الرَّسُوْل (رسول الله صَلَّى اللّٰهُ عَلَيۡهِ واٰلِهٖ وَسَلَّمَ  جا گل)“(تسهيل) آهي۔ ٭ حضرت امامِ حسين رَضِىَ اللهُ عَنْه جنَّتي نوجوانن جا سردار آهن۔(سير اعلام النبلاء،الحسين الشهيد...الخ،۴/ ۴۰۲ ۔ ۴۰۴ ملتقطا) ٭ نبيءِ اڪرم، نورِ مجسم صَلَّى اللّٰهُ عَلَيۡهِ واٰلِهٖ وَسَلَّمَ سندن جي ڪن ۾ آذان ڏني۔( ڪنز العمال، حصه: ۱۶، ۸/۲۵۲، حديث:۴۵۹۹۳) ٭حضرت امامِ حسين رَضِىَ اللهُ عنه نهايت سخي ۽ نيڪ خصلت هئا۔ ٭ حضرت امامِ حسين رَضِىَ اللهُ عَنْه ڪيئي حج پيدل ڪيا۔ حضرت سَيدُنا مُصعبرَضِىَ اللهُ عَنْهفرمائن ٿا: امامِ عالي مقام، امامِ حسينرَضِىَ اللهُ عَنْه مديني پاڪ کان پيادل (25) حج ڪيا۔(اُسد الغابة، رقم : ۱۱۷۳، الحسين بن علي، ۲/۲۸ماخوذا) ٭ حضرتِ امامِ حسينرَضِىَ اللهُ عَنْه رسول االله صَلَّى اللّٰهُ عَلَيۡهِ واٰلِهٖ وَسَلَّمَ ۽ پنهنجي والدِ ماجد اَميرُالمؤمنين حضرتِ سيدُنا علي المرتضيرَضِىَ اللهُ عَنْه کان علمِ دين جو بيشمار خزانو ماڻيو۔ ٭ حضرتِ امامِ حسين رَضِىَ اللهُ عَنْه جي علم کان ڀرپور گُفتگو (Discourse) اهڙي دلڪش هوندي هئي جو ماڻهن جي اها خواهش هوندي هئي ته پاڻرَضِىَ اللهُ عَنْه خاموش نه ويهن بلڪ عِلم ۽