آیئے! گھر درس کی ایک بہت پیاری مدنی بہار سنتے ہیں:

غفلتوں بھری زندگانی

       تحصیل پنڈدادنخان(ضلع جہلم)کے رہائشی اسلامی بھائی کی زندگی دعوتِ اسلامی کے مہکے مہکے مدنی ماحول میں آنے سے پہلے گناہوں میں کٹ رہی تھی۔اس غفلت بھری زندگی سے نجات پانے اور دعوتِ اسلامی کے مدنی ماحول میں آنے کاسبب ماہِ رمضان کے آخری عشرے کااعتکاف بنا۔ چنانچہ رمضان المبارک آتے ہی معتکف ہوگئے۔ جب عاشقانِ رسول کا قُرب مِلا تو ان کے اخلاق وکردار دیکھ کر بہت زیادہ متأثر ہوئے، سنّتوں بھرے بیانات،دُعاؤں سے ان کے دل کی مُرجھائی کلیاں کِھل اُٹھیں،مبلغین کےسُنّتوں بھرے بیانات سُن کر ان کے دل میں خوفِ خدا کی ایسی کیفیت پیدا ہوگئی کہ انہوں نے فلمیں ،  ڈرامے دیکھنے اورگانے باجے سننے سے توبہ کرلی اور سُنّتیں اپنانے کا عزم بھی کرلیا۔ اعتکاف کے بعد جب وہ گھرلوٹے،انہوں نے گھر میں مدنیدرسِ فیضانِ سنت کی ترکیب شروع کردی۔اَلْحَمْدُلِلّٰہ درسِ فیضانِ سنت کی برکت سے دیکھتے ہی دیکھتے ان  کے گھر میں  بھی مدنی ماحول کا فیضان جاری ہوگیااور گھرکے تمام افرادامیرِاہلسنّت دَامَتْ بَرَکَاتُہُمُ الْعَالِیَہ کے دامن سے وابستہ ہوکر سلسلۂ عالیہ قادریہ رضویہ عطاریہ میں داخل ہوگئے۔

اگر سُنّتیں سیکھنے کا ہے جذبہ                                 تم آجاؤ دیگا سِکھا مَدَنی ماحول

بُری صُحبتوں سے کَنارہ کَشی کر                               کے اچھوں کے پاس آکے پا مَدَنی ماحول

سَنور جائے گی آخِرت اِنْ شَآءَ اللہ                          تم اپنائے رکھو سَدا مَدَنی ماحول

گنہگارو آؤ، سِیَہ کارو آؤ                                        گُناہوں کو دیگا چُھڑا مَدَنی ماحول

(وسائلِ بخشش مرمم،ص۶۴۶تا۶۴۸)