اٰمِیْن بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ

آئیے!”مَدَنی دَرْس“ کی ایک اِیمان اَفروز مَدَنی بہارسُنئے،چنانچہ

مَدَنی دَرْس میں بیٹھنےوالا  عالِمِ دین بن  گیا

بابُ الاِسلام سندھ کےایک اسلامی بھائی جو نویں(9th) کلاس میں پڑھتےتھے اور دُنیا حاصل کرنے کی کوشش میں مگن تھے،عَلاقے کے اسلامی بھائی اُن کو نیکی کی دعوت دے کرمسجد میں لے آئے۔ جب وہ نماز پڑھ کرمسجد سے جانے لگے تو ایک خَیر خواہ اسلامی بھائی جو مسجد کے دروازے کے قریب کھڑےتھے انہوں نے اُن کو دَرْس میں شرکت کی دعوت دی۔لہٰذا وہ مَدَنی درس( دَرْسِ فَیضانِ سُنّت)میں بیٹھ گئے۔پھر اُنہوں نے اسلامی بھائیوں کی اِنفرادی کوشِش سے مَدْرَسَۃُ الْمَدِیْنَہ(بالِغان) میں پڑھنا شُروع کردیا۔ہفتہ وارسُنّتوں بھرے اِجتماع میں شرکت کی۔چند ہفتوں بعد اَمیرِاَہلسُنّت دَامَتْ بَـرَکاتُہُمُ الْعَالِیَہ کا ٹیلیفونک بیان رِیلے ہوا۔بَیان کےبعد امیرِاہلسنّت دَامَتْ بَـرَکاتُہُمُ الْعَالِیَہ  نے اِجتماعی تَوْبہ اور بَیْعَت کروائی تو وہ اسلامی بھائی بھی گناہوں سے تَوبہ کرکے عطّاری بن گئے۔مَدَنی ماحول کی بَرَکت سے اُنہوں نے عِلْمِ دین سیکھنے کے لئے 1999 ء میں جَامِعَۃُ الْمَدِیْنَہ(فَیضانِ عُثمانِ غَنِی گلستانِ جَوہر باب المدینہ کراچی)میں داخِلہ لے لیا اور2005 میں عالِمِ دین بننے پر انہیں پیارے پیارے مُرشِدِ کَرِیْم اَمیرِ اَہلسُنّتدَامَتْ بَـرَکاتُہُمُ الْعَالِیَہ کے ہاتھوں سے دَستارِفضیلت کےطور پر عِمامہ شریف بندھوانے کا  شَرَف بھی مل گیا۔

صَلُّوْا عَلَی الْحَبیب!                                                                                                 صَلَّی اللّٰہُ عَلٰی مُحَمَّد

پیارے پیارےاسلامی بھائیو!ہم وُضو کے طبّی فوائد کے بارے میں سُن رہے تھے۔یاد رہے!منہ ہمارے بدن کا ایک ایسا قیمتی حِصَّہ ہے جس کے کئی فوائد ہیں، مثلاً مُنہ کے ذریعے