یاد رہے!ذیلی حلقے کے12مَدَنی کاموں میں سے روزانہ کا  ایک مَدَنی کام ”مَدَنی درس“بھی ہے،جو عِلْمِ دِیْن  سیکھنے سکھانے کا بہترین ذریعہ ہے۔شیخِ طریقت،امیرِ اَہلسنّت،بانیِ دعوتِ اسلامی حضرت علامہ ابوبلال مولانا محمد الیاس عطار قادری رضوی ضیائی دَامَتْ بَرَکاتُہُمُ الْعَالِیَہ کی چند کُتُب و رَسَائِل کے عِلاوہ آپ دَامَتْ بَرَکَاتُہُمُ الْعَالِیَہ کی باقی تمام کُتُب و رَسَائِل بِالْخُصُوص”فَیضانِ سُنّت“جلداَوَّل اور”فَیْضانِ سُنّت“ جلد دُوُم کے اِن ابواب(1)”غیبت کی تباہ کاریاں“اور(2)”نیکی کی دعوت“سے مَسْجِد،چوک،بازار، دُکان، دفتر اور گھر وغیرہ میں دَرْس دینے کو تنظیمی اِصْطِلاح میں”مَدَنی دَرْس“ کہتے ہیں۔

٭مَدَنی دَرْس بہت ہی پیارا مَدَنی کام ہے،٭مَدَنی دَرْس کی بَرَکت سے مسجد کی حاضِری کی بار بار سعادت نصیب ہوتی ہے۔٭مَدَنی دَرْس کی بَرَکت سے مطالعے کاموقع ملتا ہے۔٭مَدَنی دَرْس کی بَرَکت سےمسلمانوں سےملاقات وسلامکی سُنّت عام ہوتی ہے۔٭مَدَنی دَرْس کی بَرَکت سے امیرِاَہلسُنّت دَامَتْ بَـرَکاتُہُمُ الْعَالِیَہ   کے مُختلِف موضوعات پرمُشْتَمِل کُتُب و رسائل سے عِلْمِ دِین سے مالامال قِیمتی مَدَنی پُھول اُمّت ِ مُسْلِمَہ تک پہنچائے جا سکتے ہیں۔٭مَدَنی دَرْس،بے نمازیوں کو نمازی بنانے میں بہت مددگار ہے۔٭مَدَنی دَرْس،مسجدکی حاضِری سے محروم رہنے والوں تک بھی نیکی کی دعوت پہنچانے کا ایک مُفید ترین ذریعہ ہے۔٭مسجدکے علاوہ چوک،بازار،دُکان وغیرہ میں اگر”مَدَنی دَرْس“ہوگا تو اِس کی بَرَکت سےعاشقانِ رسول کی مَدَنی تحریکدعوتِ اسلامی کے مَدَنی ماحول کی نیک نامی ہوگی۔٭ مَدَنی دَرْس کی بَرَکت سے اَمیرِاہلسنّت دَامَتْ بَـرَکاتُہُمُ الْعَالِیَہ کی مُختلِفکُتُب و رَسائل کا تَعارُف (Introduction) عام ہوگا۔

دُعائے عطّار:یاربِّ محمّد!جواسلامی بھائی یا اسلامی بہن روزانہ2 درس دیں یا سُنیں اُن کو اور مجھے بےحساب بخش اور ہمیں ہمارے مَدَنی آقا صَلَّی اللّٰہُ عَلَیْہِ واٰلِہٖ وَسَلَّمَکے پڑوس میں اکٹّھارکھ۔