الَّذِیْنَ یُقِیْمُوْنَ الصَّلٰوةَ وَ مِمَّا رَزَقْنٰهُمْ یُنْفِقُوْنَؕ(۳) اُولٰٓىٕكَ هُمُ الْمُؤْمِنُوْنَ حَقًّاؕ-لَهُمْ دَرَجٰتٌ عِنْدَ رَبِّهِمْ وَ مَغْفِرَةٌ وَّ رِزْقٌ كَرِیْمٌۚ(۴) (پ۹ ،الانفال: ۳،۴)                                                                                 تَرْجَمَۂ کنزُالعِرفان:وہ جو نماز قائم رکھتے ہیں اور ہمارے دئیے ہوئے رِزْق میں سے ہماری راہ میں خرچ کرتے ہیں یہی سچے مسلمان ہیں ، ان کے لیے ان کے ربّ کے پاس درجات اور مغفرت اور عزت والا رِزْق ہے۔

پارہ 6سُورَۃُ الْمَائِدہ کی آیت نمبر 12 میں اِرْشاد ہوتاہے :

وَ قَالَ اللّٰهُ اِنِّیْ مَعَكُمْؕ-لَىٕنْ اَقَمْتُمُ الصَّلٰوةَ وَ اٰتَیْتُمُ الزَّكٰوةَ وَ اٰمَنْتُمْ بِرُسُلِیْ وَ عَزَّرْتُمُوْهُمْ وَ اَقْرَضْتُمُ اللّٰهَ قَرْضًا حَسَنًا لَّاُكَفِّرَنَّ عَنْكُمْ سَیِّاٰتِكُمْ وَ لَاُدْخِلَنَّكُمْ جَنّٰتٍ تَجْرِیْ مِنْ تَحْتِهَا الْاَنْهٰرُۚ             (پ۶ ، المائدہ: ۱۲)                                    

تَرْجَمَۂ کنزُالعِرفان:اور اللہنے فرمایا: بیشک میں تمہارے ساتھ ہوں۔ اگر تم نماز قائم رکھو اور زکوٰۃ دیتے رہو اور میرے رسولوں پر ایمان لاؤ اور ان کی تعظیم کرو اور اللہ کو قرضِ حسن دو توبیشک میں تم سے تمہارے گناہ مٹا دوں گا اور ضرور تمہیں ان باغوں میں داخل کروں گا جن کے نیچے نہریں جاری ہیں۔

سُبْحٰنَ اللہ   !نَمازیوں کیلئے اللہ  پاک کی بارگاہ  میں کیسے کیسےعظیمُ الشان اِنْعامات ہیں کہ کہیں انہیں جَنَّت ومَغْفِرت  کی خوش خبریاں دی جارہی ہیں تو کہیں بڑے ثواب کی خُوشخبریاں سُنا ئی جارہی ہیں جبکہ اَحادیثِ مُبارَکہ میں بھی نَماز کی بَہُت زِیادہ ترغیب دِلائی گئی ہے۔اگر ہم نماز کا وَقْت ہوتے ہی اپنے تمام تر دُنیوی کاموں كو چھوڑ کر نَماز کی تیاری میں مَصروف ہوجایا کریں،بدن کی عاجِزی اور دل و دماغ کی حاضِری کے ساتھ جماعت سے نَماز اَدا کریں تواس كی بَرَکت سے  جہاں دُنیا کی ڈھیروں بھلائیاں نصیب