جاتی ہے اورمنافق میں غفلت ، مومن کے لئے یہ مہینا غنیمت اور منافق کے لئے بوجھ (Burden)ہے۔

(شعب الایمان ، باب فی الصیام ،  فضائل شہر رمضان ، ۳ / ۳۰۴ ،  حدیث :  ۳۶۰۷)

کاش!پورا سال رمضان ہی ہو

٭  ارشاد فرمایا : اگر بندوں کو معلوم ہوتا کہ رَمَضان کیا ہے تو میری اُمّت تمنَّا (Wish)کرتی کہ  کاش!پورا سال ہی رَمَضان  ہو۔ (ابن خزیمہ ، ۳ / ۱۹۰ ، حدیث : ۱۸۸۶)

ہر گھڑی رَحْمت بھری ہے ہر طرف ہیں برَکتیں                   ماہِ رَمَضاں رَحْمتوں اور برَکتوں کی کان ہے

عاصِیوں کی مغفرت کا لیکر آیا ہے پَیام                                 جھوم جاؤ مجرِمو! رَمَضاں مہِ غُفر۱ن ہے

بھائیو بہنو! کرو سب نیکیوں پر نیکیاں                                   پڑگئے دوزخ پہ تالے قید میں شیطان ہے

بھائیو بہنو! گناہوں سے سبھی توبہ کرو                                   خُلد کے دَر کُھل گئے ہیں داخِلہ آسان ہے

(وسائلِ بخشش مُرمّم ، ص۷۰۶-۷۰۵)

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

ماہِ رمضان اور مسلمان

پىارے پىارے اسلامى بھائىو! ماہِ رمضان کی شان و عظمت دیگرمہینوں کے مقابلے میں بہت زیادہ ہے۔ سعادت مند مسلما ن اس مہینے کے آتے ہی نیک کاموں میں مشغول(Busy) ہوجاتے ہیں ، یہی وجہ ہے کہ اس مہینےمیں ہرطرف پُرکیف مناظرہوتےہیں ، مسجدوں کی رونق بڑھ جاتی  ہے ، مسلمان نماز روزے کی پابندی شروع کردیتے ہیں ، شوقِ تلاوت اور ذوقِ عبادت بڑھ جاتاہے ، صدقہ وخیرات سےغرباومساکین کی مدد کی جاتی ہے ، تراویح ادا کرنے کے پُرکیف مناظر ہوتے ہیں ، مساجد میں ذکر و بیان کے حلقوں میں لوگ شرکت کرتے ہیں ، انفرادی اور اجتماعی عبادات کا سلسلہ بڑھ جاتا ہے ، اس کی