مرحبا صد مرحبا!    

مرحبا  صد  مرحبا  پھر  آمدِ  رَمَضَان  ہے                              كِھل اُٹھے مُرجھائے دل تازہ ہوا اِیمان ہے

یاخُدا ہم عاصیوں پہ یہ بڑا اِحسان ہے                             زِندَگی میں پھر عطا ہم کو کِیا رَمَضَان  ہے

تجھ پہ صَدْقے جاؤں  رَمَضَاں! تُوعَظِیْمُ الشّان ہے             تجھ  میں نازِل حق تعالیٰ نے كیا قرآن ہے

اَبرِ رَحمت چھا گیا ہے اور سَماں ہے نُور نُور                           فَضْلِ ربّ سے مَغْفِرَت كا ہو گیا سامان ہے

ہر گھڑی رَحْمت بھری ہے  ہر طرف ہیں بَرَكتیں               ماہِ رَمَضَاں رَحمتوں اور بَرَكتوں كی كان ہے

آگیا رَمَضَاں عبادت پر کَمَر اب باندھ لو                          فیض لے لو جلد یہ دِن تیس كا مہمان ہے

عاصیوں كی مغفرت كا لے كر آیا ہے پیام                        جُھوم جاؤ مُجْرِمو! رَمَضاں مَہ ِغُفران ہے

بھائیو بہنو! کرو سب نیکیوں پر نیکیاں                              پڑ گئے دوزخ پہ تالے  قید  میں شَیطان ہے

بھائیو بہنو! گناہوں سے سبھی توبہ کرو                              خُلد كے دَر كُھل گئے ہیں داخِلہ آسان ہے

کم ہوا زورِ گُنہ اور مسجدیں آباد ہیں                                  ماہِ رَمَضَانُ الْمُبَارَك كا یہ سب فیضان ہے

روزہ دارو! جُھوم جاؤ كیونكہ دِیدارِ خُدا                               خُلد میں ہوگا تمہیں یہ وعدۂ رحمٰن ہے

دوجہاں كی نعمتیں ملتی ہیں روزہ دار كو                              جو نہیں ركھتا ہے روزہ وہ بڑا نادان ہے

یاالٰہی تُو مدینے میں كبھی رَمَضَاں دِكھا                               مُدّتوں سے دِل میں یہ عطّار كے اَرمان ہے

(وسائل ِبخشش مرمم ، ص۷۰۵ و۷۰۶)

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

اے عاشقانِ رمضان! اَمِیْرُالمؤمنین حَضرتِ سَیِّدُنا عمر فاروقِ اعظمرَضِیَ اللہُ عَنْہُکے ایمان افروز خطبے سے یہ واضح ہوتا ہے کہ آپ ماہِ رمضان کی اہمیت(Importance)و فضیلت سے بخوبی واقف  تھے