الْمُبَارَک  کا جذبہ بڑھانے ، اس کی خوب برکتیں پانے ، ڈھیروں ڈھیر نیکیاں کمانے اور خود کو گناہوں سے بچانے کیلئے عاشقانِ رسول کی مدنی تحریک دعوتِ اسلامی کے تحت ہونے والےپورے ماہِ رمضان یاآخری عشرے کے اِعتِکاف کی سَعادَت حاصل کرلینی چاہئے ۔ آئیے! اعتکاف کرنے کے فضائل پر دو احادیثِ طیّبہ سنتے ہیں :

٭  فرمایا : مَنِ اعْتَکَفَ فِیْ رَمَضَانَ یعنی جس نے رَمَضانُ الْمُبارَک میں(دس دن کا)اعتِکاف کرلیا کَانَ کَحَجَّتَیْنِ وَعُمْرَتَیْن وہ ایسا ہے جیسے دو(2)حج اوردو(2)عمرے کئے۔ (شعب الایمان ، ۳ /  ۴۲۵ ،  حدیث۳۹۶۷ ملخصاً )

٭  فرمایا : مَنِ اعْتَکَفَ اِیْـمَانًا وَّاِحْتِسَابًا یعنی جس شخص نے ایمان کےساتھ ثواب حاصل کرنے کی نیَّت سے اِعتِکاف کیا غُـفِـرَ لَہ ٗ مَاتَـقَدَّمَ مِنْ ذَنْـبِـہٖ  اس کے تمام پچھلے گناہ بخش دئیے جائیں گے۔ (جامع صغیر ص۵۱۶ ، حدیث۸۴۸۰)

          اَمِیرِ اہلسنّت دَامَتْ بَرَکَاتُہُمُ الْعَالِیَہمدنی ماحول میں اعتکاف کی ترغیب دِلاتے ہوئے اِرْشاد فرماتے ہیں :   

جَلوۂ یار کی آرزو ہے اگر                                          مدنی ماحول میں کرلو تم اِعتِکاف

میٹھے آقا کریں گے کرم کی نظر                                 مدنی ماحول میں کرلو تم اِعتِکاف

چوٹ کھا جائے گا اک نہ اک روز دل                       مدنی ماحول میں کرلو تم اِعتِکاف

فَضْلِ ربّ سے ہدایت بھی جائے گی مل                     مدنی ماحول میں کرلو تم اِعتِکاف

تم کو راحت کی نعمت اگر چاہئے                                مدنی ماحول میں کرلو تم اِعتِکاف

بندگی کی بھی لذّت اگر چاہئے                                  مدنی ماحول میں کرلو تم اِعتِکاف