طَلَبہ و طالبات کی اَخْلاقی و رُوحانی تَرْبِیَت بھی کی جاتی ہے۔شیخِ طریقت،اَمِیْرِ اَہلسنَّت دَامَتْ بَـرَکاتُہُمُ الْعَالِیَہ اِن طلبہ سے اپنی مَحَبَّت کا اظہار کرتے ہوئے ارشاد فرماتے ہیں:میں دعوتِ اسلامی کے جامعاتُ المدینہ کے طلبۂ کرام سے بَہُت مَحَبَّت کرتا ہوں اور ان کے صَدْقے سے اپنے لئے دُعائے مَغْفِرت کیا کرتا ہوں۔اَلْحَمْدُلِلّٰہ جامعاتُ المدینہ کے طلبہ پانچوں نمازوں کے علاوہ صلٰوۃُ التَّوْبَہ،تَہَجُّدْ،اِشْراق اور چاشت کے نوافل کا بھی اِہْتِمام کرتے ہیں۔لہٰذا اپنی اولاد کو جامعۃُالمدینہ میں داخِل کروا کر اُن کی اور اپنی دُنیا و آخرت کو بہتر بنائیں۔

صَلُّوْا عَلَی الْحَبِیْب!                                     صَلَّی اللّٰہُ عَلٰی مُحَمَّد

پیارے پیارےاسلامی بھائیو!عِلْمِ دِین  سے دُوری کے باعث  ہمارے معاشرے میں بعض والدین  ایسےبھی ہیں جو خودبھی نیکیوں سے محروم رہتے ہیں اور اپنی اولاد کوبھی اپنے نقشِ قدم پرچلانے کی کوشش کرتے ہیں، اگرخوش قسمتی سےان کے بچے نیکی کے  راستے پرچل نکلیں تو بد قسمتی سے ایسے والدین ان کامذاق اُڑاتے،مختلف طریقوں سے ستاتے اوراس راستےسے ہٹانے کی کوشش کرتے ہیں، یوں روز روز کے طعنوں سے تنگ آکر بسا اوقات بچہ بھی بُرائی کے راستے پر چل پڑتاہے اور بُرے لوگوں کی صحبت میں رہ کر ان کی عادات واطوار اپنالیتاہے،گالی گلوچ، لڑائی جھگڑا اورنشے کی بُری بیماری میں پڑکر اپنی دنیاوآخرت برباد کر لیتا ہے۔ آئیے!اس بارے میں ایک عبرت ناک واقعہ سُنتے ہیں اور عبرت کے مَدَنی پھول چنتے ہیں، چُنانچِہ

ایک دلخراش واقعہ

شیخِ طریقت،امیرِاَہلسُنّت،بانیِ دعوتِ اسلامی حضرت علّامہ مَوْلانا ابُو بلال محّمد الیاس عطّار قادِرِی