سیڑھی چڑھنے اُترنے میں یہ احتیاط کیجئے کہ جُوتوں کی آواز پیدا نہ ہو۔٭راستے میں دو (2)عورَتیں کھڑی ہوں یا جارہی ہوں تو ان کے بیچ میں سے نہ گزرئیے کہ حدیثِ پاک میں اس کی مُمانَعَت آئی ہے۔^([1])٭بعض لوگوں کی عادت ہوتی ہے کہ راہ چلتے ہوئے جو چیز بھی آڑے آئے اُسے لاتیں مارتے  جاتے ہیں،یہ بالکل غیر مُھَـذَّب طریقہ ہے،٭اِس طرح پاؤں زخمی ہونے کا بھی اندیشہ رہتا ہے۔٭ اَخبارات یا لکھائی والے ڈبوں، پیکٹس اور مِنرل واٹر کی خالی بوتلوں وغیرہ پر لات مارنا   بے اَدَبی  بھی ہے۔

صَلُّوْا عَلَی الْحَبِیْب!                                       صَلَّی اللّٰہُ عَلٰی مُحَمَّد

٭کسی قوم سے خطرے کے وَقْت  کی دعا

دعوتِ اسلامی کےہفتہ وارسنّتوں بھرےاجتماع کےمدنی حلقوں میں اس بارجدول کےمطابق”کسی قوم سے خطرے کے وَقْت پڑھی جانے والی دعا “یادکروائی جائےگی۔وہ دعایہ ہے:

اَللّٰھُمَّ اِنَّا نَجْعَلُکَ فِیْ نُحُوْرِھِمْ وَنَعُوْذُبِکَ مِنْ شُرُوْرِھِم

(ابوداود،کتاب الوتر،باب مایقول الرجل … الخ ،۲/۱۲۷،حدیث:۱۵۳۷)

ترجمہ: اےاللّٰہ پاک! ہم  تجھے دشمنوں کے مقابل کرتے ہیں  اور ان کی شرارتوں سے تیری پناہ چاہتے ہیں ۔

                                                                                                                                                                      (مَدَنی پنچ سورہ،ص۲۲۰)

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد