ایک پاگل سے سامنا

حضرت سَیِّدُناقاسِم بن محمدرَضِیَ اللہُ عَنْہُمَاسےرِوایت ہےکہ حضرت سَیِّدُناابوبَکْرصِدِّیقرَضِیَ اللہُ عَنْہ کَعْبَۃُ اللہ  شریف جارہے تھےکہ قُرَیْش کے ایک پاگل نے آپ کے سر پر مٹّی ڈال دی۔ اِتنے میں وہاں سےوَلید بن مُغِیرْہ یا عاص بن وائل گزرا۔حضرت سَیِّدُنا ابوبَکْر صِدِّیق رَضِیَ اللہُ عَنْہنے اُس کی طرف دیکھ کر کہا:اِس بے وقوف کی گندی حَرَکت تم نے دیکھ لی؟تو وہ کہنے لگا:اِس کے ذِمَّہ دار تم خُود ہو(یعنی تمہیں کس نے کہاتھا کہ مشرکینِ مکہ کو چھوڑ کر مسلمان ہوجاؤ،یہ تمہارے مسلمان ہونے کی سزاہے)آپ نے یہ سُنا تو تین(3)باربارگاہِ خداوندی میں عَرض کی:اے پَروَرْدگار تُو سب سےبڑاحلیم ہے۔(البدایۃ والنھایۃ،۲ /۴۵۲، الریاض النضرۃ،۱/۹۴)

بِلاشک پیکرِ صَبْر و رِضا صِدِّیقِ اکبر ہیں                                یقیناً مَخْزَنِ صِدْق و وَفا صِدِّیق اکبر ہیں

نہایت مُتَّقِی و پارسا صِدِّیق اکبر ہیں                                   تَقِی ہیں بلکہ شاہِ اَتْقِیا صِدِّیق اکبر ہیں

(وسائلِ بخشش مرمم، ص۵۶۵)

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

       پیاری پیاری ا سلامی بہنو!سناآپ نےکہکیاشان ہےامیرُالمؤمنین حضرت سَیِّدُناصِدّیقِ اکبررَضِیَ اللہُ عَنْہ کی کہ ایک شخص نےآپ کےمبارَک سَرِ پرمٹّی ڈالی اوردوسرے نےآپ پرطَنْزکیا، مگرقُربان جائیے،یارِ غارکےاَخلاق پر کہ  اس وقت بھی اللہ  پاک کی طرف رجوع کیا اور ربِّ کریم کی صفتِ حلیمی کو یاد کیا۔ افسوس  ! جیسےجیسےہم زمانَۂ رِسالت سےدُورہو تی جار ہی ہیں ہمارے لہجے سَخْت سے سَخْت تَر ہوتےجارہے ہیں۔٭اگر کوئی ذرا سی نا گوار بات کہہ دے تو بدلے میں ہمارا رد عمل کیا ہوتا