شیخِ طریقت،امیرِاہلسنّت حضرت علاّمہ مولاناابوبلال محمد الیاس عطارؔ قادری رَضَوی دَامَتْ بَرَکاتُہُمُ الْعَالِیَہ اس واقعے کے تحت فرماتے ہیں:مَعَاذَ اللہ صحابَۂ کرام عَلَیْہِمُ الرِّضْوان کو گالیاں دینا گناہ،بَہُت سخت گناہ، قَطعی حرام اور جہنَّم میں لے جانے والا کام ہے۔حضرت صَدْرُا لْافاضِل مولانا سیِّد مفتی محمد نعیمُ الدِّین مُراد آبادی رَحْمَۃُ اللّٰہ ِتَعَالٰی عَلَیْہ فرماتے ہیں: مُسلمان کو چاہیے کہ صَحابَۂ  کِرام (عَلَیْھِم الرِّضْوان) کا نہایت اَدَب رکھے اور دل میں ان کی عقیدت و مَحَبَّت کو جگہ دے۔ان کی مَحَبَّت حُضُور(صَلَّی اللّٰہُ تَعَالٰی عَلَیْہِ وَاٰلہٖ وَسَلَّم) کی مَحَبَّت ہے اور جو بَد نصیب صَحابہ(عَلَیْھِمُ الرِّضْوان)کی شان میں بے ادَبی کے ساتھ زَبان کھولے وہ دُشمنِ خُدا  و رسول ہے۔مُسلمان ایسے شخص کے پاس نہ بیٹھے۔ (سوانح کربلا، ص ۳۱)

            میٹھی میٹھی اسلامی بہنو!ہمیں صحابَۂ کرام عَلَیْہِمُ الرِّضْوَان   کی مَحَبَّت کو دل میں بٹھاکر ان کی سیرت پرعمل کرتے ہوئے زندگی گُزارنی چاہیے اورجو لوگ صحابَۂ  کرام عَلَیْہِمُ الرِّضْوَان  کی شان میں گستاخیاں  کرتے ہیں  ان کی صُحْبتِ بد سے دُور رہناچاہیے۔صحابَۂ کرام عَلَیْہِمُ الرِّضْوَان  کی مزید شان وعظمت جاننے کیلئےدعوتِ اسلامی کے اشاعتی ادارے  مکتبۃُ المدینہ کی کتابیں   کراماتِ صحابہ اور صحابۂ  کرام کاعشقِ رسول کا مُطالعہ کیجئے۔اللہ پاک ہمیں صحابَۂ  کرام  عَلَیْہِمُ الرِّضْوَان    کی سیرت پر چلتے ہوئے زِندگی بَسر کرنے کی توفیق عطافرمائے۔ اٰمین بِجَاہِ النَّبیِّ اْلاَمِیْن صَلَّی اللّٰہُ تَعَالٰی عَلَیْہِ واٰلہٖ وسلَّم 

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

”مجلس اِزدیادِ حُبّ“

اَلْحَمْدُلِلّٰہ عَزَّ وَجَلَّ دعوتِ اسلامی نیکی کی دعوت عام  کرنےاور سنتوں کو پھیلانے کیلئے کم  وبیش104شُعبہ جات میں کام کررہی ہے،اِنہی میں سےایک”مجلس اِزدِیادِ حُبّ“ بھی ہے  وہ پُرا نی اسلامی بہنیں جو پہلے آ تی تھیں مگر اب نہیں آتیں اُنہیں مَدَنی ماحول میں فَعال کرنا،اُن سے پیشگی وَقْت لے کر