موت وحَیات کے مالِک ہیں ۔لہٰذاعِبادت ورِیاضت ،قرآنِ پاک کی تِلاوت  اور دیگر نیک اعمال کرتے وقت خالصۃً اللہ پاک کی رِضا مَقْصود ہونی چاہئےورنہ عمل کا ثواب تو ہاتھ سے جائے گاہی  اس کے ساتھ ریاکاری  کی تباہ کاری میں  گرفتار ہوکر ناراضی ٔرَبِّ قَہّار کا بھی سامنا کرنا پڑ سکتاہے۔

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

8مدنی کاموں میں سے ایک مدنی کام”گھر درس“

میٹھی میٹھی اسلامی بہنو!اپنے اندر صحابہ کرام رِضْوَانُ اللہ عَلَیْہِمْ اَجْمَعِیْن کی محبت کا جذبہ بیدار کرنے اورریا کاری کی تباہ کاریوں سے بچنے  کے لئے عاشقانِ رسول کی مدنی تحریک دعوتِ اسلامی سے وابستہ ہوجایئےاور8  مَدَنی کاموں میں بَڑھ چَڑھ کر حِصّہ لیجئے۔ذیلی حلقے کے8 مَدَنی کاموں میں سے ایک  مَدَنی کام”گھر درس“ بھی ہے،آپ تمام اسلامی بہنوں سے گزارش ہے کہ  گھر میں مَدَنی ماحول بنانے کے لئے روزانہ کم از کم ایک باردرسِ فیضانِ سنت دینے یا سُننے کی ترکیب ضرور فرمایئے (جس میں نا محرم نہ ہوں)۔امیرِ اہلسنّت دَامَتْ بَرَکَاتُہُمُ الْعَالِیَہ کے تخریج شدہ رسائل سے بھی حسبِ موقع درس دیا جاسکتا ہے۔ (دورانیہ7 مِنَٹ ہے)

اَلْحَمْدُلِلّٰہ عَزَّ  وَجَلَّ٭گھر دَرْس مُسَلمانوں کو بُرائیوں سےبچانے کا ذَرِیْعَہ ہے٭ گھر دَرْس بے نمازیوں کو نمازی بناتا ہے ٭ گھر دَرْس کی بَرَکت سے نیکیوں میں رَغْبَت پیدا ہوتی ہے٭ گھر دَرْس کی بَرَکت سے  مَدَنی کاموں کی دُھومیں مچ جاتی ہیں٭ گھر دَرْس نمازوں کی پابندی کا ذِہْن بنانےکے ساتھ ساتھ عِلْمِ دِیْن کی بہت سی باتیں سیکھنے سکھانے کا ذَرَیْعہ ہے اورلوگوں تک  عِلْمِ دِیْن کی باتیں پہنچانا،اَجْرو ثَواب کاکام ہے،چنانچہ