درجہ بُلند کیا جاتا ہے۔    ٭نماز ی بروزِ قیامت سَلامتی کے ساتھ جنّت میں داخل کیا جائے گا،  ٭نماز سے گناہ جھڑتے ہیں،  ٭نماز گناہوں کےمیل کو دھو دیتی ہے،        ٭ایک نماز پچھلی نماز کے دوران ہونے والے گناہوں کو دھو ڈالتی ہے،        ٭نمازی خیر میں رات گزارتا ہے،        ٭نمازی کے لئے معصوم فِرشتے ربِّ کریم کی بارگا ہ میں مغفرت کی سفارش کرتے ہیں،  ٭نمازی اللہ پاک کی اَمان یعنی حفاظت میں رہتا ہے،  ٭نماز،        نمازی کے لئے دُعائے حفاظت کرتی ہے،  ٭نماز،        شیطان کا منہ کالا کرتی ہے۔  

دِیدارِ حق دِکھائے گی اے بھائیو! نماز                                                  جنّت تمہیں دِلائے گی اے بھائیو! نماز

دربارِ مصطفی میں تمہیں لے کے جائے گی                                              خالق سے بخشوائے گی اے بھائیو! نماز

جنّت میں نرم نرم بچھونوں کے تخت پر                                                 آرام سے سُلائے گی اے بھائیو! نماز

فاقے سے مُفلسی سے جہنّم کی آگ سے                                                 سب سے تمہیں بچائے گی اے بھائیو! نماز

بات اعظمیؔ کی مانو نہ چھوڑو کبھی نماز                                                                           اللہ سے مِلائے گی اے بھائیو! نماز

(جنتی زیور،  ص۶۵۸ بتغیر)

صَلُّو ْا عَلَی الْحَبِیْب!                                       صَلَّی اللہُ تَعَالٰی عَلٰی مُحَمَّد

میٹھے میٹھے اسلامی بھائیو! ہمارے بزرگانِ دِین رَحْمَۃُ اللہِ تَعَالٰی عَلَیْہم اجمعین کے سینے نیکیوں کی حرص اور فکرِ آخرت سے معمور تھے،  ان کی سیرت   (Biography) و کردار کا مطالعہ کرنے سے پتہ چلتا ہے کہ وہ زیادہ سے زیادہ نیکیاں کرنے کی کوشش کرتے رہتےتھے۔    وہ بڑھاپے میں یا عمر کے آخری ایّام میں ہی نیکیوں کی طرف مائل نہیں ہوتے تھے،  بلکہ بچپن سے ہی نیکیوں کے شیدائی ہوتے اور ان کی ساری زندگی اتباعِ شریعت اور عبادت و ریاضت میں گزرتی تھی۔   ان کی زندگیوں کےشب و روز اطاعتِ الٰہی میں بسر ہوتے،        اس کے باوجود بھی ان کا نیکیاں کرنے کا جذبہ کم نہیں ہوتا تھا بلکہ نیکیوں کی حرص مزید بڑھتی ہی چلی جاتی تھی ۔    

حضرت جنیدِ بغدادی اور نیکیوں کی حرص: 

چنانچہ منقول ہے کہ حضرتِ سَیِّدُنا جنیدِ بغدادی رَحْمَۃُ اللہِ تَعَالٰی عَلَیْہ اِبتداءً آئینوں  (Mirrors) کی تجارت کرتے