نہیں لیتا۔“تینوں نے کہا:”تم تیمارداری(یعنی بیماری کی حالت میں خدمت وغیرہ) کرو اور میراث سے کچھ حصہ نہ لو۔ “چنانچہ وہ والدکی تیمارداری کرتا رہا حتّٰی کہ والد کا انتقال ہوگیا،لہٰذا اس نے میراث میں سے کچھ حصہ نہ لیا۔ایک رات اس نے خواب میں کسی کہنے والے کو یہ کہتے سُنا:”فُلاں جگہ جاؤ اوروہاں سے100 دِینار(یعنی سونے کے سِکّے)لے لو۔“لڑکے نے پوچھا:”کیا اس میں برکت ہے؟“جواب ملا:”نہیں۔“صبح ہوئی تو اس نے  خواب اپنی بیوی  کوسنایا ، بیوی نے کہا:”تم ان دیناروں کو لے لو،ان کی برکت یہ ہے کہ ہم ان سے کپڑے بنوائیں اورزندگی گزاریں۔‘‘لڑکے نے انکار  کردیا۔اگلی رات پھراس نے خواب میں کسی کو کہتے سنا:”فلاں جگہ  جاؤ اور وہاں سے10دِینار لے لو۔“اس نے پوچھا:”کیاان میں برکت ہے؟”جواب ملا:”نہیں۔“صبح اس نے اپنی بیوی کو خواب سنایا توبیوی نے پہلے کی طرح کہا،مگر اس نے پھرلینے سے انکار کردیا،تیسری  رات پھر اس نے خواب میں سنا:”فلاں جگہ جاؤ اور1 دِینار لے لو۔“اس نے پوچھا:” کیا اس میں برکت ہے؟“جواب ملا:”ہاں۔“چنانچہ لڑکا  گیااوردِینار لے کربازار روانہ ہو گیا،اسے ایک آدمی ملا جو دو مچھلیاں اٹھائے ہوئے تھا، لڑکے نے کہا:”ان کی قیمت کیا ہے؟“اس نے کہا:”1 دِینار۔“لڑکے نے 1دِینار کے بدلے  دونوں مچھلیاں لیں اور چل دیا۔گھر آکر ان کا پیٹ چاک کیا تودونوں میں سے ہر ایک کے پیٹ سے ایک ایسا موتی نکلا جس کی مثل لوگوں نے نہ دیکھاتھا۔ادھر بادشاہ نے ایک شخص کو ایسا ہی موتی تلاش کرنے اور خریدنے بھیجاتو وہ موتی اس لڑکے کے پاس ملا،لہٰذااس نے وہ موتی سونے سے لدے ہوئے 30خچروں کے عوض بیچ دیا۔جب بادشاہ نے موتی دیکھا توکہا:”اس کا فائدہ اسی صورت میں ہے کہ اس کی مثل ایک اوربھی ہو۔“لہٰذابادشاہ نے خدام سے کہا:اس کی مثل ایک اورتلاش کرو اگرچہ قیمت دُگنی دینی پڑے۔چنانچہ وہ اسی لڑکے کے پاس آئے اور کہا:” جوموتی ہم نے تم سے خریداتھا اس کی مثل اوربھی ہوتو ہمیں دے دو ہم تمہیں دُگنی رقم دیں گے۔لڑکے نے پوچھا:”کیا تم واقعی اتنا دوگے؟“انہوں نے