یاد رکھئے!ایک بھی نماز جان بوجھ کر چھوڑ دینا کبیرہ گُناہ ہے۔فتاوٰی رضویہ جلد9، صَفْحَہ158 پر ہے: جس نے قصداً (یعنی جان بوجھ کرصرف ) ایک وقت کی(نمازبھی ) چھوڑی، ہزاروں برس جہنّم میں رہنے  کا مُسْتَحِق ہوا، جب تک توبہ نہ کرے اور اس کی قضا نہ کر لے۔

میٹھے میٹھے اسلامی  بھائیو!اندازہ لگائیے کہ جب ایک نماز جان بُوجھ کر چھوڑنے پر  ہزاروں سال تک جہنّم میں رہنا پڑے گاتو جو شَخْص دن بھر کی تمام نمازیں جان بُوجھ کر تَرْک کر دیتا ہو بلکہ وہ اِس خَصْلَتِ بد کا عادی  ہو اور نماز بالکل ہی نہ  پڑھتا ہو تو وہ کس قدر سخت عذاب میں مبُتلا رہے گا۔لہٰذا جلد سے جلد بلکہ آج ہی نمازیں چھوڑنے کے گُناہِ کبیرہ سے سچّی پکّی توبہ کرلیجئے نیز باقاعدگی سے نمازوں کا اہتمام کرنے کے ساتھ ساتھ قضا نمازوں کی ادائیگی کی نِیَّت بھی کیجئے ورنہ  یا د رکھئے کہ جہنّم کا عذاب کسی صورت بھی برداشت نہ ہوسکے گا۔منقول ہے کہ جس شَخْص کو جہنّم کا سب سےہلکا عذاب دِیا جائے گا تو اُس عذاب کی تکلیف اُسے اتنی ہوگی کہ وہ یہ گُمان کرے گا کہ سب سے زیادہ تکلیف دہ عذاب مجھے ہی دِیا جارہا ہے۔ حالانکہ معاملہ اس کے برخلاف ہوگا۔حضرت سیِّدُنا ابنِ عباس رَضِیَ اللہُ تَعَالٰی عَنْہُمَا روایت کرتے ہیں کہ رسولِ اکرم، نُورِ مُجَسَّم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے اِرْشاد فرمایا کہ دوزخیوں میں سب سے ہلکا عذاب جس کو ہو گا اُسے آگ کے جُوتے پہنائے جائیں گے جن سے اُس کا دماغ کھولنے لگے گا۔^([1])

فیضان نماز کورس

میٹھے میٹھے اسلامی بھائیو!  جہنم کے عذاب سے بچنے کیلئے ہمیں بھی نما ز کی پابندی شروع کردینی چاہیے اور آج تک جتنی نمازیں قضاہوئیں انہیں  بھی فی الفور  ادا کرلینا چاہیے ورنہ  جہنم  کادردناک عذاب ہم سے  ہرگز برداشت  نہ ہوسکے گا ۔جلد ازجلد نمازچھوڑنے کے گناہ سے توبہ کرلیجئے اور نمازکی