اُن کے دِلوں پر مُہر کردے گا پھر وہ غافلوں میں سے ہو جائیں گے۔^([1])

                مُفَسِّرِ شَہِیر، حکیْمُ الاُمَّت مفتی احمد یار خان عَلَیْہِ رَحمَۃُ الْمَنَّان  اس حدیثِ پاک کے تحت فرماتے ہیں: خیال رہے کہ یہاں رُوئے سُخن (گُفتگو کا رُخ)یا تو اُن مُنافقوں کی طرف ہے جو جمعہ (یا عام نمازوں )میں حاضِر نہ ہوتے تھے یا آئندہ آنے والے مسلمانوں کی طرف ہے ورنہ کوئی صحابی تارِکِ جمعہ (یا تارِکِ نماز یا تارِکِ جماعت) نہ تھے۔^([2])

میں پانچوں نَمازیں پڑھوں باجماعت

ہو توفیق ایسی عطا یاالٰہی

(وسائلِ بخشش)

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

12 مَدَنی کاموں میں سے ایک  مَدَنی کام”مدرسۃالمدینہ بالغان “

میٹھے میٹھے اسلامی بھائیو!اگرہم بھی نمازوں کی پابندی کا ذِہْن بنانا چاہتے ہیں اوراِس پر اِستقامت پانا چاہتے ہیں تو ہمیں چاہئے کہ عاشقانِ رسول  کی مَدَنی تحریک دعوتِ اسلامی کے مَدَنی ماحول سےوابستہ ہو کر اپنی مصروفیات میں سے کچھ نہ کچھ وَقْت ذیلی حلقے کے12مدنی کاموں کے لئے بھی نکالیں۔  اِنْ شَآءَ اللہ عَزَّ  وَجَلَّاِن مَدَنی کاموں میں شُمُولِیَّت کی بَرَکت سے ہم  فرائض کی پابندی کے ساتھ ساتھ نفلی عبادات کے بھی عادی بن جائیں گے،فرائض و واجبات اور سُنَن و مُسْتَحَبَّات پر عمل کا جذبہ ملے گا،نیکی کی دعوت دینےوالی سُنّت پر عمل کا موقع ملے گا،عاشقانِ رسول کی صحبت مُیَسَّر آئے گی، نیک اعمال پر