اِستقامت نصیب ہوگی۔

ان 12 مَدَنی کاموں میں سےروزانہ کاایک مَدَنی کام”مَدْرَسۃُ المدینہ بالِغان“میں پڑھنا یا پڑھانا بھی ہے۔اَلْحَمْدُلِلّٰہ عَزَّ وَجَلَّ٭مَدْرَسۃُ المدینہ بالِغان کی بَرَکت سےدُرُسْت قرآنِ کریم پڑھنا نصیب ہوتا ہے، ٭مَدْرَسۃُ المدینہ بالِغان نماز،وُضو اور غُسْل وغیرہ ضروری اَحکام سیکھنےکا بہترین ذَرِیْعہ ہے، ٭ مَدْرَسۃُ المدینہ بالِغان میں حاضِری کی بَرَکت سےاچھی صُحبت مُیسّرآتی ہے،٭مَدْرَسۃُ المدینہ بالِغان کی بَرَکت سےقرآنِ کریم پڑھنے پڑھانےکی سعادت ملتی ہے،٭مَدْرَسۃُ المدینہ بالِغان  کی بَرَکت سے عِلْمِ دِین کی دَولت نصیب ہوتی ہے،٭مَدْرَسۃُ المدینہ بالِغان کی بَرَکت سے مسجدمیں بیٹھنےکاثواب ملتاآتا ہے۔ آئیے! مَدرَسۃُ المدینہ بالِغان کی بَرَکت پر مُشْتَمِل ایک مَدَنی بہار سُنئے اور جُھومئے، چُنانچہ

بدنگاہی کی عادت سے نجات مل گئی

بابُ المدینہ(کراچی پاکستان ) کےمُقیم اسلامی بھائی دعوتِ اسلامی کے مَدَنی ماحول سے وابستہ ہونے سے پہلے فلمیں  ڈِرامے دیکھنے،گانے باجےسُننے اوربدنگاہی کرنے کے عادِی تھے ،نماز وں  کی پابندی کا بھی ذِہْن نہ تھا۔کسی اسلامی بھائی نے اِنْفِرادی کوشِش کرتے ہوئے اُنہیں مَدْرَسۃُ المدینہ (بالِغان)میں شِرکت کی دعوت دی،اُنہوں نے مَدْرَسۃُالمدینہ(بالِغان)میں پڑھناشُروع کردیا۔ اَلْحَمْدُلِلّٰہعَزَّ وَجَلَّ مدرَسۃُ المدینہ (بالِغان)کی بَرَکت سےہفتہ وارسُنّتوں  بھرےاِجتماع میں شِرکت کامعمول بَن گیااوروہ اَمیرِاَہلسنّت دَامَتْ بَـرَکاتُہُمُ  الْعَالِیَہ سے مُرِید ہو کر نمازی اور مسجد میں دَرْس دینے والے بن گئے۔ اَلْحَمْدُ لِلّٰہعَزَّ وَجَلَّفلمیں ڈرامے ، گانےباجے،بدنگاہی وغیرہ گناہوں کو چھوڑ دیا اور اپنے گھر والوں  پر بھی  اِنْفِرادی کوشِش کرتے  ہوئے  اُنہیں بھی نمازی بنانے کی کوششوں میں مصروف ہیں۔

صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد