میں حاضِری کی بَرَکت سے فکرِ آخرت نصیب ہوتی ہے،ہَفْتَہ وار سُنَّتوں بھرے اِجْتِماع  میں دُعائیں قَبُول ہوتی ہیں،ہَفْتَہ وار سُنَّتوں بھرےاِجْتِماع میں اللہ  پاک   کے نیک بندوں کا ذِکْرِ خَیر ہوتا ہے۔  حضرت سَیِّدُنا سُفْیان بِن عُیَیْنَہ(عُ،یَیْ،نَہ)رَحْمَۃُ اللّٰہ ِتَعَالٰی عَلَیْہ فرماتےہیں:عِنْدَذِکْرِ الصّٰلِحِیْنَ تَنْزِلُ الرَّحْمَۃُ یعنی نیک لوگوں کے ذِکْر کے وَقْت رَحمتِ اِلٰہی اُتَرْتی ہے۔(حلیۃ الاولیاء، سفیان بن عیینہ،۷ / ۳۳۵ ، رقم: ۱۰۷۵۰) آئیے! بَطورِ تَرغِیْب ہَفْتَہ وار سُنَّتوں بھرےاِجْتِماع میں حاضِری کی ایک  مَدَنی بَہار سُنئے اور اِجْتِماع میں پابندی کے ساتھ حاضِر ہونے کی نِیَّت کیجئے:

مَسْخرے کی تَوْبَہ

مَرْکزُ الاَوْلِیا لاہورکے ایک اِسلامی بھائی گُناہوں اور غَفلت کی وادِیوں میں گُم تھے۔ ایک اِسلامی بھائی نے اُنہیں دعوتِ اِسلامی کے ہَفْتَہ وار سُنَّتوں بھر ے اِجْتِماع کی دَعْوَت پیش کی۔یہ اُن کی دَعْوَت پر اِجتِماع میں جاپہنچے،اُنہیں بَہُت اچّھا لگا ،لہٰذا اُنہوں نے پابندی سے جانا شُرُوع کردیا،نَمازوں کی پابندی بھی شُروع کردی اورعِمامَہ شریف بھی سَجا لیا، گھر کے بعض اَفراد نے سَختی کے ساتھ مُخَالَفَت کی مگر مَدَنی ماحول کی کشش اور عاشِقانِ رَسُول کاحُسْنِ سُلُوک اُنہیں دعوتِ اِسلامی سے مزید قریب تَر کرتاچَلَا گیا۔ مکتبۃُ المدینہ سے جاری ہونے والے سُنَّتوں بھرے بَیانات کی کیسٹیں سُننے سے ڈھارَس بندھی اورحَوْصَلَہ مِلتا گیا۔اَلْحَمْدُ لِلّٰہ عَزَّ  وَجَلَّ آہِسْتَہ آہِسْتَہ اُن کے گھر کے اندربھی مَدَنی ماحول بن گیا۔

صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!شبِ براءت وہ مُبارَک رات ہے جس میں اللہ  پاک کی  رحمتیں اپنے بندوں پر چَھماچَھم   بَرستی ہیں،اس لیے اِس مُقدَّس رات میں زِیادہ سے زِیادہ عِبادت ورِیاضَت کا اِہْتِمام ، گُناہوں سے بچنے کااِنْتِظام اور کثرتِ دُرُود وسَلام کے ذَرِیعے اللہ  پاک کی  بارگاہ  سے کثیر اِنْعام واِکْرام حاصل کرناچاہیے۔پہلے کے مَدَنی سوچ رکھنے والے مُسَلمان ان مُتَبرَّک اَیّام میں اللہ  پاک کی زِیادہ سے