Share this link via
جمالِ مُصطفے صَلَّی اللہُ تَعَالٰی عَلَیْہِ وَاٰلِہٖ وَسَلَّم
دِیدارِ مصطفیٰ مرحبامرحبا
انوارِ مصطفیٰ مرحبا مرحبا
اُمُّ الْمُؤمِنِیْن حضرتِ سیِّدَتُنا عائشہ صدّیقہ رَضِیَ اللّٰہُ تَعَالٰی عَنْہَا فرماتی ہیں: کَانَ رَسُوْلُ اللّٰهِ(صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ)اَحْسَنَ النَّاسِ وَجْهًا وَاَنْوَرَهُمْ لَوْنًـا،یعنی رَسُوْلُ الله صَلَّی اللّٰہُ تَعَالٰی عَلَیْہِ واٰلِہٖ وَسَلَّمَسب سے زِیادہ خُوبصورت اورخُوش رنگ تھے۔مزیدفرماتی ہیں:لَمْ یَصِفْهُ وَاصِفٌ قَطُّ اِلَّا شَبَّهَ وَجْهَهُ بِالْقَمَرِ لَیْلَـةِ الْبَدْرِ، یعنی جس نے بھی آپ کی تعریف وتَوصیف بیان کی ،اس نے آپ کو چودھویں کے چاند سے تَشْبِیْہ دی، وَکاَنَ عَرْقُهُ فِیْ وَجْهِهِ مِثْلَ الْـلُـؤْلُـؤِ،یعنی آپ کے پسینہ کی بُوند آپ کے چہرۂ اَنْور میں یُوں مَعلُوم ہوتی ،جیسے موتی۔(الخصائص الکبری،باب الآیۃ فی عرقہ الشریف،١/ ١١٥)
اسی طرح صحابیِ رَسُول، حضرت سَیِّدُنا جابر بن سَمُرہ رَضِیَ اللّٰہُ تَعَالٰی عَنْہُ فرماتے ہیں:ایک مرتبہ میں نے رَسُوْلُ الله صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کوچاندنی رات میں دیکھا،میں کبھی چاندکی طرف دیکھتا اور کبھی آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکے چہرۂ اَنور کو دیکھتا، تو مجھے آپ کا چہرہ چاند سے بھی زِیادہ خُوبصُورت نظر آتا تھا ۔(الشمائل المحمدیہ للترمذی،باب ماجاء فی خلق رسول اللہ،ص۲۴ حدیث۹)
یہ جو مَہر و مَہ پہ ہے اِطلاق آتا نُور کا
بھیک تیرے نام کی ہے اِسْتِعارہ نُور کا
(حدائقِ بخشش،ص٢٤٨)
نُور کی خَیْرات لینے دوڑتے ہیں مَہر و ماہ
اُٹھتی ہے کس شان سے گَردِ سُواری واہ واہ
(حدائقِ بخشش،ص١٣٤)
رِفعتِ مصطفیٰ مرحبا مرحبا اِنعامِ مصطفیٰ مرحبا مرحبا
BOOK TOPIC
- دُرُودِ پاک کی فضیلت:
- آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم کے حُسْن وجَمال سے مُتعلِق ایک وَاقِعہ
- شعر کی وضاحت
- حُلیہ شریف
- چہرہ ٔمبارک
- چشمان مبارک
- اَبرُوئے مُبارَک
- بینیٔ مبارک
- پیشانی مبارک
- دَہنِ مُبارک
- کان مُبارَک
- لُعاب دَہَن مبارک
- زبان مبارک
- دست مبارک
- پائے مبارک
- مُوئے مُبارک
- دارُالافتا اہلسنَّت کا تعارُف:
- بیان کا خلاصہ :
- 12مدنی کاموں میں سے ایک مَدَنی کام ”علاقائی دورہ برائے نیکی کی دعوت“
- ایک غیرمسلم کا قَبول اسلام:
- گھر میں آنے جانے کےچند مَدَنی پھول :
